Salamo 60 - Buki Tabu Lowaenei 1919

SALAMO 60.

¹ Eaubada ie, ni‘atu u ‘ulema, ni‘atu u ‘ausepara mwa ‘utema; Ni‘atu ‘u gamwasoara; ‘U da gietooro limema.

² Ni‘atu ‘asa ‘u giedederina; ni‘atu ‘u sabuna; ‘Ana weara ‘u da giebobo‘ane; ‘i dededera ta ‘enega.

³ Iage pa‘aridi ni‘atu u e‘ita ‘imu tomota ‘edia: Oine ‘ebeiogaiogara ‘enega ‘u enumema.

⁴ Taudi si matautemu doedoe u ‘ebwaedi, Be ‘enega ‘i da taketake ona ‘ai‘aila manuna. (Sela.)

⁵ ‘Ataimuiega ‘u da ‘etoseema, be ‘u da ona limana ‘emaia, Be ‘enega ‘amu oboobobomao ‘u da ‘etoseedi.

⁶ Eaubada ni‘atu ‘i ona ‘ina bubuna tabu ‘enega: ia da uiawana: Sekema ia da wearina, ta Sukota ‘ina gamwaube ia da ‘etopwapwa.

⁷ Gileada ‘igu ‘asa, ta Manase ‘igu ‘asa; Eparaima wate debagu ‘ana lawa; Iuda ‘igu keweliwelili esaesa.

⁸ Moaba ‘igu gaeba ‘ebe‘utu; Edoma ‘ena ‘agu ‘aeiapaiapa ia da ‘ulena: Pilisitia, ‘u da bwau manugu.

⁹ ‘Asa pa‘arina iaita ‘ena ‘i da ‘au‘eweguma? Iaita i ‘au‘ewegu Edoma ‘enaia?

¹⁰ Eaubada ie, nigea nai ni‘atu u ‘ula‘ula iaulema? Ta Eaubada ie, ‘ima bodao nigea ma‘edi ‘u tautauiawa.

¹¹ ‘U da lemema ‘ama tarauwara ‘enaia: Tai ‘ina leme iage besobeso ta ‘enega.

¹² Eaubada ‘enega ta da guinua waiwai: Tauna ‘ada tarauwarao ‘i da ‘abilabila mwa‘utedi ta ‘enega.