Salamo 56 - Buki Tabu Lowaenei 1919

SALAMO 56.

¹ Eaubada ie, ‘u da ‘atenua‘ole‘oleiegu; tai ‘aene si da tonegu ta ‘enega: ‘Asiata maibo‘ana i ‘au‘ebwagogu.

² ‘Agu tarauwarao ‘aene si da tonegu asiata maibo‘anega: Taudi si losaia gagasa ‘eguia si iau‘ena‘ina ta ‘enega.

³ To tuta ia da ‘atesa‘ara, ‘Emuia ia da ‘emisa.

⁴ Eaubada ‘ena ‘ina ona ia da tupuna: Eaubada ‘ena ia ‘emisa, gea‘abo ia da ‘ate‘atesa‘ara; Esio to‘ase nai ‘i da guinua ‘eguia?

⁵ Asiata maibo‘ana ‘igu ona si lisi gesi: ‘Idi nuanua iauiauna si miamia mataguia to‘umalina manuna.

⁶ Si egogonedi taudi, si akwaiedi, ‘Igu sa‘ulaga si ‘ita‘ita‘i‘isidi, Nadigega iaruiaruagu manuna si iamwaiamwana.

⁷ ‘Aene si da dena bubuna bokobokona ‘enega? Eaubada ie, gamwasoarega tomota ‘u da ‘ula mwa‘utedi.

⁸ Igu lopilidadanaiao ‘u simanedi: Mataseruguao ‘u da sa‘udi ‘imu boteli ‘enaia; Nigea nai ‘imu buki ‘ena si miami?

⁹ Ga ‘agu tarauwarao si da ‘ilama asiata ‘enega ia bwau: Gete ia mwaratoni, Eaubada ‘i lemegu ta ‘enega.

¹⁰ Eaubada ‘ena ‘ina ona ia da tupuna: Ieoba ‘ena ‘ina ona ia da tupuna.

¹¹ Eaubada ‘ena ni‘atu ia ‘emisa gea‘abo ‘ia da ‘ate‘atesa‘ara; To‘ase nai tai ‘i da guinua ‘eguia?

¹² Eaubada ie, ‘imu ona‘upa‘upa ‘eguia si miami: Ebwaeadaita tuputupu ia da ‘ebwaemu.

¹³ Iaruiaruagu ni‘atu u ‘etoseena mwawasega ta ‘enega: ‘Aegu nigea nai u ‘eto‘etoseedi esetupeiega? Be ‘enega ia da lopilidadana Eaubada matanaia Iawasigu ‘ina ma‘edana ‘enaia.