Salamo 29 - Buki Tabu Lowaenei 1919

SALAMO 29.

¹ Ieoba ‘ena wa da ‘ebwaea, ‘Omi toewaiwai natunao, Ieoba ‘ena wa da ‘ebwaea esaesa ta waiwai.

² Esaesa ‘ana esana ‘i sawesawenaia Ieoba ‘ena ‘u da ‘ebwaea; Ieoba ‘ena wa da bwagobwago ‘esasena ‘ana ‘ita bobo‘ana ‘enega.

³ Ieoba ‘enana boasi debadia ‘i miami: Esaesa ‘ina Eaubada ‘i weparara, Tugama Ieoba boasi iauna debadia.

⁴ Ieoba ‘enana ‘i ewaiwai; Ieoba ‘enana ‘i maa esaesa ‘enega.

⁵ Ieoba ‘enana maruana i ‘aulasedi; Tamo, Ieoba Lebanona maruanao i ‘aulasedi.

⁶ Wate ‘i bubudi be si losuia‘edi bulomakau menonoiana ‘atua; Lebanona ta Siriona ‘atua bulomakau‐bomitawa menonoiana.

⁷ Ieoba ‘enana awe sabelulu meiana i ‘upwaruedi.

⁸ Ieoba ‘enana mitawa ‘i giedederina; Ieoba mitawa Kadesa ‘i giedederina.

⁹ Ieoba ‘enana bulomakau mewainedi ‘i bubudi be si enatuna, Ta kaiwe bwaradi ‘i sekoli ‘ai‘ailidi; Ta ‘ina anua tabu ‘enaia iage iauna ‘i gwae, Esaesa.

¹⁰ Ieoba ‘i miatoa King ‘atua Murua ‘enaia; Tamo, Ieoba ‘i miatoa King ‘atua ‘ataia.

¹¹ Ieoba waiwai ‘i da ‘ebwaea ‘ina tomota ‘edia; Ieoba tomota ‘i da obobomedi guguiega.