Salamo 23 - Buki Tabu Lowaenei 1919SALAMO 23. 1 Ieoba ‘igu to‐‘ita‘i‘isi‐sipi: gea‘abo ia da botabotana. 2 Pwatura karakarawina ‘ena ‘i e‘enoigu: Boasi ‘ebeeiawai‘ata deinaia i ‘au‘ewegu. 3 Iaruiaruagu ‘i giebwebwe‘ana: Bubuna paruparuna ‘ina ‘edao ‘edia ‘i nuganegu ‘ana esana manuna. 4 Tamo, ‘abo mwawasa iauiaukwina ‘ina sa‘ara ia rubwarena, Gea‘abo ‘e bweu to‘umalina ia da matamataute; ‘oio ma‘ieagu ta ‘enega: ‘Imu guna ta ‘imu keweliwelili, taudi si gieguausoarigu. 5 Tebeli ‘u sa‘u ‘ai‘aili mataguia ‘agu tarauwarao matadia: Debagu ‘u siwarorona bunamega; ‘igu keiga ‘i maa‘apu‘apu. 6 ‘Ai‘aila bubuna bobo‘ana ta ‘atenua‘ole‘ole si da muriegu iawasigu ‘ana asiata iauiauna ‘ediega: Ta Ieoba ‘ina anua ‘ena ia da mia ‘ataia. |
Published by the British and Foreign Bible Society in 1919
British & Foreign Bible Society