Salamo 149 - Buki Tabu Lowaenei 1919

SALAMO 149.

¹ Ieoba wa da tupuna. Ieoba ‘ena wari auauna wa da wariei, Ta ‘ana tuputupu to tapwaroro ‘esasedi ‘idi deriegogona ‘enaia.

² Iseraela ‘i da guausoara tauna ‘i mweruruina ‘enaia: Siona natunao si da guausoara ‘idi King ‘enega.

³ ‘Ana esana si da tupuna lausega: Timberela ta api ‘ediega si da wari tuputupu ‘enaia.

⁴ Ieoba ‘i uiawana ‘ina tomota manudi ta ‘enega: Taudi ‘idi bubuna nuana ‘adi ‘ita ‘i da giebobo‘anena ‘etoseanega.

⁵ To tapwaroro ‘esasedi si da guausoara esaesa ‘enega: Si da wari uiawana ‘idi ‘ebe‘eno ‘edia.

⁶ Eaubada ‘ana tuputupu lo‘etanidi ‘awadi ‘ena si da miami, Ta sisi saia mamatana ruarua nimadia;

⁷ Be e‘isa si da bubuna ‘ebeloinao ‘edia; Ta sapiao tomota ‘edia;

⁸ Be ‘idi kiniao si da ionidi ‘aupa ‘ediega, Ta ‘idi ‘inapwanao ‘ebeiona kainumu ‘ediega;

⁹ Be ‘etara ‘eto‘etoladina si da bubuna ‘edia: ‘Ebe‘amaiaba gete ‘ina to tapwaroro ‘esasedi iauiaudi si ‘ewena. Ieoba wa da tupuna.