Salamo 148 - Buki Tabu Lowaenei 1919

SALAMO 148.

¹ Ieoba wa da tupuna. Ieoba wa da tupuna garewa ‘ediega: Wa da tupuna esena ‘etosoradi ‘edia.

² Wa da tupuna iauiaumi ‘ina aneloseao: Wa da tupuna, iauiaumi ‘ina boda.

³ Wa da tupuna, sinara be nawarae: Wa da tupuna, iauiaumi ma‘edana ‘ina kwadimao.

⁴ Wa da tupuna, omi garewa ‘idi garewa, Ta ‘omi boasiao garewa debadia wa miami.

⁵ Ieoba ‘ana esana si da tupuna: I ona ta ‘enega, ta ‘i mweruruidi.

⁶ Wate ‘i giepa‘aridi ‘ataia ta ‘ataia: Loina ‘i bubuna tauna gea‘abo ‘i da sawara.

⁷ Ieoba wa da tupuna bare‘uiega, ‘Omi rabarabaoo, ta iauiaumi loni‘uni‘uiao:

⁸ Awe ta usana‐patuna, sinou ta bwawa; Iagila didiga, ‘ina ona ‘i guinuena:

⁹ ‘Oeao ta oea gidaridi iauiaudi; Kaiwe mauadi ta maruana iauiaudi:

¹⁰ Bomitawa ta iobai iauiaudi; Iage si kawakawara ta manua taetae:

¹¹ Bare‘u ‘ina kiniao ta tomota iauiaudi; ‘Inapwanao ta bare‘u ‘ina to loina iauiaudi:

¹² Tubuau ta gomagweineao ruarua: ‘Ina‘inapwanidi ta gogama;

¹³ Ieoba ‘ana esana si da tupuna; Tebweuna ‘ana esana ‘i mia tu‘e ta ‘enega: ‘Ina esaesa bare‘u ta garewa ‘i tu‘esinedi.

¹⁴ Ta ‘ina tomota ‘idi ioguli niatu ‘i sa‘u tu‘eiena, ‘Ina to tapwaroro ‘esasedi iauiaudi ‘idi ebetuputupu: Tuga Iseraela natunao ‘idi tuputupu, tomota serabenaia. Ieoba wa da tupuna.