Salamo 146 - Buki Tabu Lowaenei 1919

SALAMO 146.

¹ Ieoba wa da tupuna. Iaruiaruagu ie, Ieoba ‘u da tupuna.

² ‘Ena maiawasigu Ieoba ia da tupuna: ‘Igu Eaubada ‘ena ia da wari tuputupu tuta ‘enega ia bobo‘ana ta nigea ia mwawasa.

³ ‘Inapwanao gea‘abo ‘edia wa da ‘emisa, Nai tai natuna me‘olotona ‘ena, tauna ‘ena nigea ‘e bweu lema.

⁴ Iawasina ‘i apweapwesa, ‘ina bwa‘a ‘ena i ‘ila; Asiata ‘ai‘aila gote ‘enega ‘ina nuanua si saoora.

⁵ Tauna Iakobo ‘ina Eaubada ‘ina to‐lema tauna ma‘ina ‘ebeguausoara, Tauna ‘ina nuaiai ‘ina Eaubada Ieoba ‘enaia:

⁶ Tauna garewa ta bare‘u ‘i mweruruidi, Ora, ta iage iauiauna ‘edia si miami; Tauna ona‘ai‘aila i ‘ita‘i‘isi ‘ataena:

⁷ Tauna etara ‘i bubuna to mia mwa‘uta manudi; Tauna masura to botana i ‘ebwaedi: Ieoba ioniionidi ‘i li‘amidi;

⁸ Ieoba matakebokebodi matadi ‘i gibaridi; Ieoba ‘opu‘opudi ‘i gietoorodi; Ieoba to paruparu ‘i obobomedi:

⁹ Ieoba to‘u‘umara i ‘ita‘i‘isidi; Tamatamagenidi ta kwabura ‘i gitu‘eiedi; Ta to to‘umalidi ‘idi ‘eda ‘i gibunina.

¹⁰ Ieoba ‘i da loina ‘ataia ta ‘ataia, ‘Imu Eaubada, Siona ie, epata tomota iauiauna ‘edia. Ieoba wa da tupuna.