Salamo 142 - Buki Tabu Lowaenei 1919

SALAMO 142.

¹ ‘Enaguiega Ieoba ‘ena ia bwaubwau; ‘Enaguiega ia bubu sidasida Ieoba ‘enaia.

² ‘Igu ‘olilisana ia siwa matanaia; ‘Igu loniu ia e‘ita‘ita matanaia.

³ ‘Ena iaruiaruagu ‘i mwawamwawasa ‘ateguia, ‘oio ‘igu ‘eda ‘u mwaramwaratonina. ‘Eda nina ‘enega ia tautauia ‘ena sikwa si sa‘ukwaia manugu.

⁴ ‘Ataigu ‘u da duneduneie, ta ‘u da ‘ita; nigea ‘e bweu tai ‘i mwaramwaratonigu ta ‘enega: ‘Ebedena ni‘atu ia loseena; nigea ‘e bweu tai iaruiaruagu i ‘ita‘ita‘i‘isi.

⁵ Ieoba ie, ‘emuia ia bwau; Ia gwae, ‘Oio ‘igu ‘ebedena, ‘Agu ‘egu‘eguiai maiawasidi ‘idi ‘asa ‘enaia,

⁶ ‘Igu bwau ‘u da nonona; ni‘atu ia mia mwa‘uta wawasae ta ‘enega: Taudi si unuunugu ‘ediega ‘u da ‘etoseegu; si waiwai wawasae ‘eguia ta ‘enega.

⁷ Iaruiaruagu gogorega ‘u da me‘ena, be ‘enega ‘amu esana ‘ena ia da lotuputupu: To paruparu si da mia sakowasiegu; ‘Oio ‘u da bubuna ‘ai‘aila ‘eguia ta ‘enega.