Salamo 137 - Buki Tabu Lowaenei 1919

SALAMO 137.

¹ Babulonia ‘ina boasi‐‘awanao deidia, ‘Ena ‘a miatoa, tamo, ‘a dedoi, ‘Ena Siona ‘a nua‘i‘isina.

² Kaiwe wilou ‘edia gamwagamwanaia ‘Ima apiao ‘a loesanedi.

³ ‘Ena taudi si ionima wari si eonai ‘emega ta ‘enega, Ta taudi si loegumwarima edagi si eonai ‘emega, si gwae, Siona ‘ana wari ‘e bweuna wa da wari ‘emaia.

⁴ Mwa‘adega Ieoba warina ‘a da wariei ‘Asa to‘u‘umara ‘enaia?

⁵ Ierusalema ie, ‘abo ia nuapupureio, ‘Ataigu ‘ina sinasinapu ‘i da nuapupurena.

⁶ Meiagu lumwa‘etanigu ‘i da miaiaina, ‘Abo nigea ia nua‘i‘isio; ‘Abo Ierusalema nigea ia nuanuana wawasae ‘Igu ‘ebeguausoara sinabwana ‘enaia.

⁷ Ieoba ie, Edoma natunao ‘edia ‘u da nua‘i‘isi Ierusalema ‘ana asiata; Taudi si gwae, Wa da ‘ulamwa‘utena, Wa da ‘ulamwa‘utena Tuga ga ‘ina ‘autui ‘enaia.

⁸ ‘Oio Babulonia natuna me wainena, ‘i abe ‘u saoora; Tauna ‘i da bobo‘ana, tauna ‘emuia ‘i e‘isa Na‘ieana ‘imu guinua ‘emaia.

⁹ Tauna ‘i da bobo‘ana, tauna ‘imu gidagidarao i ‘ewa ta ‘i ‘ulamwa‘utedi Gurewa ‘enaia.