Salamo 130 - Buki Tabu Lowaenei 1919

SALAMO 130.

¹ Ieoba ie, ni‘uiega ‘emuia ia bwau ni‘atu.

² ‘Inapwana, ‘enagu ‘u da nono: Tenaio si da nono‘i‘isi ‘Igu sidasida ‘enadi ‘enaia.

³ Ieoba, ‘abo ‘oio bubuna bokobokodi ‘u da ‘ita, ‘Inapwana ie, iaita ‘i da tooro?

⁴ Ta bubuna to‘umalina ‘ana kweu ‘emuia ‘i miami, Be ‘enega si da matauteio.

⁵ Ieoba manuna ia iamwaiamwa, iaruiaruagu ‘i iamwaiamwa, Ta ‘ina ona ‘ena ia nuaiaina.

⁶ Iaruiaruagu ‘Inapwana manuna i ‘ita wawasae, Ta to ‘ita‘i‘isi si ‘ita gidarina gonagonaia manuna; Tamo, to ‘ita‘i‘isi si ‘ita gidarina gonagonaia manuna.

⁷ Iseraela ie, Ieoba ‘ena wa da nuaiaina; Nua‘ole‘ole Ieoba ma‘ieana ta ‘enega, Ta ma‘ieana ‘ewa‐limana sinabwana.

⁸ Ta Iseraela ‘i da ‘ewa‐limana ‘Ina bubuna bokoboko iauiaudi ‘ediega.