Salamo 127 - Buki Tabu Lowaenei 1919

SALAMO 127.

¹ ‘Abo Ieoba nigea anua i ‘abina, Taudi si ‘abina si guinua besobeso: ‘Abo Ieoba nigea ‘asa i ‘ita‘i‘isina, To ‘ita‘i‘isi ‘i iaweiawe besobeso.

² Iage besobeso ‘emia wa tooro manini, ta wa eiawai‘ata so‘iso‘i, Ta guinua ‘ana masura wa ‘e‘ai: Nadigega ‘ina oboobobomao ‘eno‘eno i ‘ebwaedi.

³ Wa ‘ita, gogama si ‘egu‘eguia Ieoba ‘enega: Ta gamwa uana tauna ‘ana e‘isa.

⁴ Nadigega tupu ‘ana gitao tai waiwai nimanaia, Nadigega tubuau natudiao.

⁵ Tauna tai ‘ina tana‐gita ‘i maa ‘ediega tauna maguausoarina: Gea‘abo si da omaiamaia, ‘Ena si onaona ‘adi tarauwarao ma‘edi ‘auboda ‘enaia.