Salamo 125 - Buki Tabu Lowaenei 1919

SALAMO 125.

¹ Taudi Ieoba ‘ena si ‘emisa Taudi ‘oea Siona ‘atua, tauna nigea kapekapeana ‘i loniu, ta ‘i mia ‘ataia.

² Na‘ieana ‘oeao Ierusalema si miasakowasiena, Na‘ieana Ieoba ‘ina tomota ‘i miasakowasiedi, Tuta gete ‘enega ta tuta ‘ataia.

³ To‘umalina ‘ana keweliwelili gea‘abo to paruparuna ‘idi esena ‘ena ‘i da miamia ‘ataia ta ‘enega; Be ‘enega to paruparuna gea‘abo nimadi si da iasiiasitotodi bubuna bokobokona ‘enaia.

⁴ Ieoba ie, bobo‘ana ‘u da guinuei taudi si bobo‘ana ‘edia, Ta taudi si tooro ‘ai‘aila ‘atediega ‘edia.

⁵ Ta taudi si tauia dumaduma ‘idi ‘eda bokobokodi ‘edia, Ieoba ‘i da tauiediwa bubuna bokoboko ‘ana to‐guinuao ma‘edi. Guguia Iseraela ‘ena ‘i da miami.