Salamo 121 - Buki Tabu Lowaenei 1919

SALAMO 121.

¹ Ia da ‘ita tu‘e ‘oea ‘edia: Mwa‘adega ‘agu leme ‘i da mai?

² ‘Igu leme Ieoba ‘enega, Tauna garewa ta bare‘u ‘i mweruruidi.

³ ‘Aeio gea‘abo ‘i da tagwarena be ‘i da loniu: Tauna i ‘ita‘i‘isimu gea‘abo matana si da losaduduna.

⁴ Wa ‘ita, tauna Iseraela i ‘ita‘i‘isina Gea‘abo matana si da losaduduna nai ‘i da ‘enomwataia.

⁵ Ieoba ‘amu to‐‘ita‘i‘isi: Ieoba ‘imu iauiaukwa ‘ataimuia.

⁶ Sinara gea‘abo ‘i da unuio asiata ‘enega, Nai nawarae boiboi ‘enega.

⁷ Ieoba ‘i da ‘ita‘i‘isio to‘umalina iauiauna ‘enega; Iaruiaruaio ‘i da ‘ita‘isina.

⁸ Ieoba ‘imu apwesawa ta ‘imu ruguma i ‘ita‘i‘isi, Tuta gete ‘enega ta tuta ‘ataia.