Salamo 120 - Buki Tabu Lowaenei 1919SALAMO 120. 1 ‘Igu elo‘uiega ia bwau Ieoba ‘enaia, Ta ‘eguia ‘i ona limana. 2 Ieoba ie, iaruiaruagu ‘u da ‘etoseena, sopa onakabokabo ‘ediega, Ta meia kabokabo ‘enega. 3 To‘ase si da ‘ebwaemu, ta to‘ase wate si da guinua ‘emuia, ‘Oio meia kabokabo? 4 Waiwai ‘ina gita mamatadi, Kaiwe iunipera ganibwarina ma‘edi. 5 Oioi ‘eguia, Meseka ‘ena ia miami, Kedara ‘ina anua‐ania ‘edia ia miami! 6 Iaruiaruagu tuta dudurana ‘i miamia Tauna guguia ‘i guitoasena ma‘ieana. 7 ‘Abo‘agu guguia manuna: Ta ‘ena ia onaona, taudi nuadi saia. |
Published by the British and Foreign Bible Society in 1919
British & Foreign Bible Society