Salamo 12 - Buki Tabu Lowaenei 1919

SALAMO 12.

¹ ‘U da leme, Ieoba; tai tapwaroro ‘ai‘aila ni‘atu ‘i losaronina; To bubuna ‘ai‘aila si mwa‘uta tomota natudiao ‘ediega ta ‘enega.

² ‘Ebweuna ‘e bweuna gosiana ma‘ieana si ona besobeso: Sopa tupu kabokabo ‘enega, ta ‘ate giruadi ‘enega, si onaona.

³ Ieoba sopa tupu kabokabo ‘i da ‘upwa iauledi, Meia iage sinabwadi ‘i oneone;

⁴ Taudi si gwae, Meiamega ‘a da ewaiwai; Sopama ‘ima sopa: iaita to loina ‘emaia?

⁵ Gomabeso ‘idi ‘oae manuna, to sida ‘idi eiawasilagalaga manuna, Gete ‘enega ia da tooro, Ieoba ‘i gwae; Tauna ‘ena si mu‘enunu ‘ebebobo‘ana ‘ena ia da sa‘una.

⁶ Ieoba ‘ina ona si ona ‘esasena; Na‘ieana sileba si too ‘ebegabu ‘enaia bare‘u ‘enaia, ‘Esasena giesebeni.

⁷ Ieoba ie, ‘u da ‘ita‘i‘isidi, ‘Epata tomota gete ‘enega ‘u da egagaredi ataia.

⁸ To to‘umalina esena iauna ‘ena si tautauia, ‘Ena bubuna geiogeioi si gietu‘eiena tomota natunao gamwagamwanidia.