Salamo 114 - Buki Tabu Lowaenei 1919

SALAMO 114.

¹ ‘Ena Iseraela ‘i apwesa Aigupito ‘enega, Iakobo ‘ina susu tomota ‘enadi dumadumana ‘ediega;

² Ga Iuda ‘ina anua‐tabu, Iseraela ‘ina ‘ebeloina.

³ Ora i ‘itena, ta ‘i dena; Ioridana ‘i mia ‘ilawa.

⁴ ‘Oea si losuiaedi sipi me‘olotodi ‘atua, Ta ‘oea gidaridi sipi menonoiadi ‘atua.

⁵ ‘Oio ora, toase ‘i apwesa ‘emuia, ta ‘enega ‘u dena? ‘Oio Ioridana, ta u ‘ilawa?

⁶ ‘Omi ‘oeao, ta wa losuiaemi sipi me‘olotodi ‘atua; ‘Omi ‘oea gidarimi, sipi menonoiadi ‘atua?

⁷ ‘Oio bare‘u, ‘u da dedera ‘Inapwana matanaia, Iakobo ‘ina Eaubada matanaia;

⁸ Tauna gurewa ‘i gibunina ga ‘i gaula maboasina, Ginausa ga ‘i eboasi wewerupwa.