Salamo 113 - Buki Tabu Lowaenei 1919

SALAMO 113.

¹ Ieoba wa da tupuna. Wa da tuputupu, ‘Omi Ieoba ‘ina toguinuao, Ieoba ‘ana esana wa da tupuna.

² Ieoba ‘ana esana ta da tupuna Tuta gete ‘enega ta tuta gea‘abo ‘i gumwagumwara.

³ Sinara ‘ina sae ‘enega ga tauna ‘ina sugua Ieoba ‘ana esana ta da tupuna.

⁴ Ieoba ‘i mia tu‘e ‘ebeloina iauiauna debadia, Ta ‘ina esaesa garewa debanaia.

⁵ Iaita Ieoba ‘ida Eaubada nadigega, Tauna ‘ina ‘ebemia ‘etanaia,

⁶ Tauna ‘i gimwa‘utena tauna sabi ‘ita Iage garewa ‘ena ta bare‘u ‘ena si miami?

⁷ Gomabeso ‘i gietoorona kauiega, Ta nanaewana ‘i gilagasina sumwanega;

⁸ Be ‘i da sa‘una ‘inapwanao ma‘edi, Tuga ‘ina tomota ‘ina ‘inapwanao ma‘edi.

⁹ Waine me gagarina ‘i bubuna be anuaia ‘i miami, Ta ‘i egogama sinadi maguausoarina, Ieoba wa da tupuna.