Salamo 110 - Buki Tabu Lowaenei 1919

SALAMO 110.

¹ Ieoba ‘i ona ‘igu ‘inapwana ‘enaia, ‘Ataiguia ‘u da miatoa, Ga tuta ‘enega ‘amu tarauwarao ia da bubudi be si da ‘aeio ‘ana ‘ebesa‘u.

² Ieoba ‘imu waiwai ‘ana keweliwelili ‘i da etunena Sionega: ‘U da loina ‘amu tarauwarao gamwagamwanidia.

³ ‘Imu tomota si tagwara ‘ai‘ailidi ‘imu waiwai ‘ana asiata ‘ena: Bubuna ‘esasena ‘ana ‘ita bobo‘ana ‘ena, gonagona gamwanega, ‘Oio ‘amu tuta tubuau ‘ana gaguna u ‘ewena.

⁴ Ieoba ni‘atu ‘i ona‘upa‘upa, ta gea‘abo ‘i da nuaebuni, ‘Oio to taria ‘ataia Melikisedeka ‘ina bubuna ‘atua.

⁵ Ieoba ‘ataimuia Kiniao ‘i da ‘e‘aubwaredi ‘ina gamwasoara ‘ana asiata ‘ena.

⁶ ‘Ebeloinao gamwagamwanidia ‘i da loina, Kokoao ‘ediega esenao ‘i da loemaedi; ‘Asa iauna ‘edia deba ‘i da ‘e‘aubware.

⁷ ‘Edaia sa‘asa‘arega ‘i da numa: Ta ‘enega ‘i da tooro ‘ai‘aila.