Salamo 11 - Buki Tabu Lowaenei 1919

SALAMO 11.

¹ Ieoba ‘ena ia ‘emisa: Mwa‘adega wa ona iaruiaruagu ‘ena, ‘U da dena manua ‘atua ‘imu ‘oea ‘enaia?

² Wa ‘ita, ta ‘enega, to to‘umalidi tupu si gielisiena, Gita si sa‘u ‘ai‘ailina nosanosa ‘enaia, Be ‘enega taudi si paruparu ‘atedi guguioia si da badidi.

³ ‘Abo ‘autu si saoora, To paruparu to‘ase si da guinua?

⁴ Ieoba ‘ina anua tabu ‘ena ‘i miami, Ieoba, ‘ina ‘ebemi‐esaesa garewaia; Matana si ‘ita, ta mataiaraiarana si too tomota natunao.

⁵ Ieoba to paruparuna ‘i toodi: Ta to to‘umalina ta tauna bubuna didiga ‘i nuanuana iaruiaruana ‘i guitoasena.

⁶ To to‘umalidi ‘edia sikwaiao ‘i da etabe; Awe sabelulu ta mepulupulua ta iagila ‘ara‘arata si da ‘idi keiga ‘ana ‘egu‘eguiai.

⁷ Ieoba ‘i paruparuna ta ‘enega; bubuna paruparuna ‘i nuanuana: To tooro paruparu maninina si da ‘itena.