Salamo 100 - Buki Tabu Lowaenei 1919

SALAMO 100.

¹ Omi ‘asa iauiaumi, Wa da bwau ‘enami maguausoarina ‘enega Ieoba ‘enaia.

² Ieoba ‘ena wa da guinua ma‘imi guausoara: Ma‘imi wari wa da mai matanaia.

³ Wa da mwaratoni Ieoba tauna Eaubada: Tauna ‘i mweruruida, ta ‘abo‘ada ‘ina tomota; ‘Abo‘ada ‘ina tomota, ta ‘ina ‘ebe ‘e‘ai ‘ina sipiao.

⁴ Ma‘imi lokagutoki ‘ina ‘aubodao ‘edia wa da rugu, Ta ma‘imi tuputupu ‘ina ‘atamanao ‘edia: ‘Ena wa da lokagutoki, ta ‘ana esana wa da tupuna.

⁵ Ieoba ‘i bobo‘ana ta ‘enega; ‘ina nua‘ole‘ole ‘i mia ataia; Ta ‘ina bubuna ‘ai‘aila epata tomota iauiauna ‘edia.