Salamo 1 - Buki Tabu Lowaenei 1919

SALAMO 1.

¹ Tai nina ‘i bob‘oana to‐to‘umalidi ‘idi nuena nigea ‘ena ‘i da tauia, Ta wate to loegesi ‘idi ‘eda nigea ‘ena ‘i da tooro. Nai to sinara ‘idi ‘ebemi nigea ‘ena ‘i da miatoa.

² Ta ‘ina guausoara Ieoba ‘ina loina ‘ena ‘i miami; Ta ‘ina loina ‘ena ‘i nuanua asiataia be boiboiia.

³ Ta tauna ‘i da nadigega kaiwe si ‘asona boasi daudauna deinaia, Tauna ‘i uaua ‘ana tuta ‘enega. Iawana wate nigea ‘i da ‘oaperu; Ta to‘ase nai ‘i guinuena, ‘i da sinabwa.

⁴ To‐to‘umalidi nigea si da nadigega; Taudi witi bwarana ‘atua iagila ‘i siiesiiei iauiaule.

⁵ Ta ‘enega to‐to‘umalidi gea‘abo si da tooro loina ‘enaia. Nai to‐loegesiao to bubunaparuparu ‘idi deriegogona ‘enaia,

⁶ Ieoba to‐bubu‐paruparu ‘idi ‘eda ‘i mwaratonina: Ta to‐to‘umalidi ‘idi ‘eda ‘i da saoora.