Loina 15 - Buki Tabu Lowaenei 1919

‘UPWA 15.

¹ Ta Ieoba ‘i ona Mose ‘enaia ta Aarona ‘enaia, ‘i gwae,

² Iseraela tubunao ‘edia wa da gwae, ta wa da eonedi, ‘Ena tai ‘e bweuna esionega ‘e bweu ‘ana daudau, ‘ana daudau manuna nigea i ‘esasena.

³ Ta gete ‘i da ‘ina nigea‐‘esasena ‘ana daudau ‘enaia: nai esiona ‘i dau ‘ana daudauiega, nai esiona ‘ina daudauiega ‘i miami, tauna ‘ina nigea‐‘esasena.

⁴ ‘Ebe‘eno iauna tauna ma‘ana daudau ‘ena ‘i ‘eno‘eno‘i da nigea‐‘esasena: ta iage iauna ‘ena ‘i miamiatoa ‘i da nigea‐‘esasena.

⁵ Ta tauna ‘ina ‘ebe‘eno ‘i gitoona ‘ana ‘oama ‘i da ‘utudi, ta boasiega ‘i da ‘esiwe, ta ‘i da nigea‐‘esasena ga ‘asuinuanuaia.

⁶ Ta tauna i miatoa tauna ma‘ana daudau ‘ina ebemia ‘enaia ‘ana ‘oama ‘i da ‘utudi, ta ‘i da e‘esiwena tauna boasi ‘enaia, ta ‘i da nigea‐‘esasena ga asuinuanuaia.

⁷ Ta tauna ma‘ana daudau esiona ‘i gitoona ‘ana ‘oama ‘i da ‘utudi, ta boasiega ‘i da ‘esiwe, ta ‘i da nigea‐‘esasena ga asuinuanua.

⁸ Ta ‘abo tauna ma‘ana daudau to ‘esasena ‘i giwarina; ga ‘ana ‘oama ‘i da ‘utudi, ta boasiega ‘i da ‘esiwe, ta ‘i da nigea‐‘esasena ga asuinuanua.

⁹ Ta tauna ma‘ana daudau to ‘ebegeru nai ‘ena ‘i gerugeru ‘i da nigea‐‘esasena.

¹⁰ Ta tauna ‘e bweu iage ‘agaraunaia ‘i miamiana ‘i gitoona ‘i da nigea‐‘esasena ga asuinuanua: ta tauna iage gotedi i ‘a‘aridi ‘ana ‘oama ‘i da ‘utudi, ta boasiega ‘i da ‘esiwe, ta ‘i da nigea‐‘esasena ga asuinuanua.

¹¹ Ta iaita nai tauna ma‘ana daudau ‘i gitoona, ta nigea nimana i ‘utu‘utu boasiega, ‘ana ‘oama ‘i da ‘utudi, ta boasiega ‘i da ‘esiwe, ta ‘i da nigea‐‘esasena ga ‘asuinuanua.

¹² Ta gaeba bwa‘a, tauna ma‘ana dau ‘i gitoona, si da ‘auweari: ta gaeba kaiwe iauna si da lo‘utudi boasiega.

¹³ Ta ‘ena tauna ma‘ana dau i ‘esasena ‘ana daudauiega, ga ‘i da sawa tauna ‘enaia asiata ‘e sebeni ‘ina ‘esasena manuna, ta ‘ana ‘oama ‘i da ‘utudi; ta esiona ‘i da e‘esiwena boasi daudauna ‘ena, ta ‘i da ‘esasena.

¹⁴ Ta asiata ‘e eta nina ‘i da ‘ewena ‘enaia bunetutu ‘e rua, nai bunebune menonoiana ‘e rua, ta ‘i da mai Ieoba matanaia anua‐‘ebeeloba ‘ana ‘awa ‘enaia, ta ‘i da ‘ebwaea‘edi to‐taria ‘enaia:

¹⁵ Ta to‐taria ‘i da ‘ebwaea‘edi, ‘e bweuna loegesi ‘ana ‘ebwaeadaita manuna, ta ‘e ruena ‘ebwaeadaita gabugabu manuna; ta to‐taria ‘i da gienua‘ebweu manuna Ieoba matanaia ‘ana daudau manuna.

¹⁶ Ta ‘abo ‘e bweu tai morona ‘enega ‘i apwesa, ga esiona maibo‘ana ‘i da e‘esiwena boasiega, ta ‘i da nigea‐‘esasena ga ‘asuinuanua.

¹⁷ Ta ‘oama iauna, ta bwara iauna, ‘ena morona ‘i miami, ‘i da ‘utudi boasiega, ta si da nigea‐‘esasena ga asuinuanua.

¹⁸ Waine wate tai ma‘ieana si ‘eno‘eno morona ma‘ieana, ga si da ‘esiwe ruarua boasiega, ta si da nigea‐‘esasena ga asuinuanua.

¹⁹ Ta ‘abo waine ‘e bweu ma‘ana daudau, ta ‘ana daudau esiona ‘ena ‘i rara, ga ‘i da miadumaduma ga asiata ‘e sebeni: ta tauna ‘i gitoona ‘i da nigea‐‘esasena ga asuinuanua.

²⁰ Ta iage iauna ‘ena i ‘eno‘eno ‘ina miadumaduma ‘enega ‘i da nigea‐‘esasena: iage iauna wate ‘ena ‘i miamiatoa ‘i da nigea‐‘esasena.

²¹ Ta tauna ‘ina ‘ebe‘eno ‘i gitoona ‘ana ‘oama ‘i da ‘utudi, ta boasiega ‘i da ‘esiwe, ta ‘i da nigea‐‘esasena ga asuinuanua.

²² Ta tauna ‘e bweu iage waine nina ‘ena ‘i miamiatoa ‘i gitoona ‘ana ‘oama ‘i da ‘utudi, ta boasiega ‘i da ‘esiwe, ta ‘i da nigea‐‘esasena ga asuinuanua.

²³ Ta ‘abo tuta ‘enega ‘i gitoona ‘ebe‘eno ‘ena ‘i miamiana, nai ‘e bweu iage ‘ena ‘i miamiatoa ‘enaia, ‘i da nigea‐‘esasena ga asuinuanua.

²⁴ Ta ‘abo tai ‘e bweu waine nina ma‘ieana si ‘eno, ta ‘ina iage nigea ‘esasena ‘ena ‘i miamiana, ga tai nina ‘i da nigea‐‘esasena asiata ‘e sebeni; ta ‘ebe‘eno iauna tai ‘ena ‘i ‘eno‘eno si da nigea‐‘esasena.

²⁵ Ta ‘abo waine ‘e bweu ma‘ana daudau rarana asiata iauna nigea ‘ina mia‐dumaduma ‘ana tuta, nai ‘abo ma‘ana daudau ‘ina mia‐dumaduma ‘ana tuta ‘i pilisinena; ‘ina nigea‐‘esasena ‘ana daudau ‘ana asiata iauiauna ‘i da nadigega ‘ina nigea‐‘esasena ‘ana asiata: ‘i nigea‐‘esasena.

²⁶ ‘Ebe‘eno iauna ‘ena ‘i ‘eno‘eno ‘ana daudau ‘ana asiata iauiauna si da nadigega ‘ina mia‐dumaduma ‘ina ‘ebe‘eno ‘enaia: ta iage iauna ‘ena ‘i miamiatoa ‘i da nigea‐‘esasena, na‘ieana ‘ina miadumaduma ‘ina nigea‐‘esasena.

²⁷ Ta tauna iage gotedi ‘i gitoodi ‘i da nigea‐‘esasena, ta ‘ana ‘oama ‘i da ‘utudi, ta ‘i da ‘esiwe boasiega, ta ‘i da nigea‐‘esasena ga asuinuanua.

²⁸ Ta ‘abo ‘ana daudauiega ni‘atu i ‘esasena, ga ‘i da sawa tauna ‘enaia asiata ‘e sebeni, ta muriega ‘i da ‘esasena.

²⁹ Ta asiata ‘e eta nina ‘i da ‘ewa ‘enaia bunetutu ‘e rua, nai bunebune menonoiadi ‘e rua, ta to‐taria ‘ena ‘i da me‘edi, Anua ‘ebeeloba ‘ana ‘awa ‘enaia.

³⁰ Ta to‐taria ‘e bweuna ‘i da ‘ebwaeae loegesi ‘ana ‘ebwaeadaita manuna, ta ‘e ruena ‘ebwaeadaita gabugabu manuna; ta to‐taria ‘i da gienua‘ebweu manuna Ieoba matanaia ‘ina nigea‐‘esasena ‘ina daudau manuna.

³¹ Nadigega Iseraela tubunao wa da sa‘u dumedumedi ‘idi nigea‐‘esasena ‘enega; be ‘enega gea‘abo si da mwawamwawasa ‘idi nigea‐‘esasena ‘enaia, ‘ena ‘igu ‘anua‐tabenakele gamwagamwanidi ‘i miami.

³² Gete tauna ma‘ana daudau ‘ana loina, ta tauna norona ‘enega ‘i apwesa ‘ana loina, ta nadigega ‘enega ‘i nigea‐‘esasena;

³³ Ta waine ‘ana loina tauna ‘i le‘oasa ‘ina miadumaduma ‘enega, ta tauna tai ma‘ana daudau, tai ‘ana loina, ta waine ‘ana loina, ta tai ‘ana loina tauna waine nigea‐‘esasena ma‘ieana si ‘e‘eno.