Loina 11 - Buki Tabu Lowaenei 1919

‘UPWA 11.

¹ Ta Ieoba ‘i ona Mose ‘ena ta Aarona ‘enaia, ‘i gwae ‘edia,

² Iseraela tubunao ‘edia wa da gwae, wa da ona, Gete iage maiawasidi wa da ‘e‘ani bomitawa iauiaudi bare‘u ‘ena si miami.

³ To‘ase nai ‘aematagigidi i ‘ewearina, ta ‘aematagigidi kuakuadi, ta ‘ana i ‘uta‘uta lima, bomitawa ‘edia, tauna wa da ‘e‘ai.

⁴ Ta getedi ‘adi si ‘uta‘uta lima, nai taudi ‘aematagigidi i ‘ewearina gea‘abo wa ‘e‘ani: kameli, tauna ‘ana i ‘uta‘uta lima ta ‘aematagigina nigea i ‘ewearina, ‘enega nigea i ‘esasena ‘emia.

⁵ Ta koni, ‘ana i ‘uta‘uta lima, ta ‘aematagigina nigea i ‘eweari, tauna nigea i ‘esasena ‘emia.

⁶ Ta lepo, ‘ana i ‘uta‘uta lima ta ‘aematagigina nigea i ‘eweari, tauna nigea i ‘esasena ‘emia.

⁷ Ta bawe, ‘aematagigina i ‘ewearina, ta ‘aematagigina kuakuana, ta nigea ‘ana i ‘uta‘uta lima, ‘enega tauna nigea i ‘esasena ‘emia.

⁸ Esiodi ‘enega gea‘abo wa da ‘e‘a, ta ‘idi kokoa gea‘abo wa gitoo; taudi nigea‐‘esasena ‘emia.

⁹ Iauiaudi boasi ‘edia si miami ‘ediega wa da ‘e‘ai getedi: to‘ase nai mapapena ta bwarana pa‘arina boasi ‘edia, ora ‘edia, ta boasi ‘awanao ‘edia, taudi wa da ‘enidi.

¹⁰ Ta iauiaudi nigea papedima ta bwaradi pa‘arina ora ‘edia, boasi ‘awanao ‘edia be, iauiaudi si loniu boasi ‘edia, ta iage maiawasidi iauiaudi boasi ‘edia si miami, taudi si da gadilulu ‘emia,

¹¹ Ta si da gadilulu ‘emia; gea‘abo esiodi ‘ediega wa ‘e‘a, ta ‘idi kokoa wa da ‘awagadiluluiedi.

¹² To‘ase nai nigea papenamo nai nigea bwarana pa‘arina boasi ‘edia, tauna ‘i da gadilulu ‘emia.

¹³ Ta getedi wa da ‘awa gadilulu‘edi manua ‘edia; gea‘abo wa ‘e‘enidi, gadiluludi: igeli, igeli Aigupito ta, magisubu ta;

¹⁴ Kaite be, palikona ‘ina bubuna ‘atua be;

¹⁵ Kaokao iauiaudi ‘idi bubuna ‘atua;

¹⁶ Ositerite be, meewaewa boiboi be, mekera be, meewaewa ‘ina bubuna ‘atua be;

¹⁷ Goru gidarina be, mekera sinabwana be, goru sinabwana be;

¹⁸ Goru makunana be, boegaigaina be, kaokao sinabwana be;

¹⁹ boe buraburana be, erona ‘ina bubuna ‘atua be, upoe be, meiaweda be.

²⁰ Iage mapapedi si kawakawara iauiaudi si tautauia ‘aedi e ata ‘ediega si da gadilulu ‘emia.

²¹ Ta getedi iage mapapedi si kawakawara iauiaudi si tautauia ‘aedi ‘e ata ‘ediega wa da ‘e‘ai, taudi ‘aedi ‘aeiapaiapa ‘etanaia, be ‘ediega si losuia‘edi bare‘uia;

²² Taudi getedi ‘ediega wa da ‘e‘ai; bilolo ‘ina bubuna ‘atua, ta bilolo debadebana ‘ina bubuna ‘atua, ta due ‘ina bubuna ‘atua, ta kipawa ‘ina bubuna ‘atua.

²³ Ta iage si kawakawara mapapedi iauiaudi, taudi ‘aedi ‘e ata, si gadilulu ‘emia.

²⁴ Ta gete ‘ediega wa da nigea‐‘esasena: tauna ‘idi kokoa ‘i gitoo ‘i da nigea‐‘esasena ga asuinuanua:

²⁵ Ta tauna ‘idi kokoa ‘enega i ‘a‘ara ‘ana ‘oama ‘i da ‘utudi, ta ‘i da nigea‐‘esasena ga asunuanuaia.

²⁶ Bomitawa iauna ‘aematagigidi ‘eewearidi, ta nigea ‘aematagigidi ‘i kuakua, ta nigea ‘ana ‘i da ‘uta limena, tauna ‘i nigea‐‘esasena ‘emia; ‘e bweuna ‘e bweuna ‘i gitoodi ‘i da nigea‐‘esasena.

²⁷ Ta tauna ‘aematagiginega ‘i tautauia, bomitawa iauiaudi si tautauia ‘aedi ‘e ata ‘ediega, taudi si nigea‐‘esasena ‘emia: tauna ‘idi kokoa ‘i gitoona ‘i da nigea‐‘esasena ga asuinuanua.

²⁸ Ta tauna ‘idi kokoa i ‘a‘ari ‘ana ‘oama ‘i da ‘utudi, ta ‘i da nigea‐‘esasena ga asuinuanua: taudi nigea‐‘esasena ‘emia.

²⁹ Ta getedi taudi si nigea‐‘esasena ‘emia iage lokawarina bare‘uia si kawakawara ‘edia; wisela be, kokolaka be, wakiwaki sinabwana ‘ina bubuna ‘atua,

³⁰ geko be, goma‘ara be, wakiwaki be, wakiwaki kaukau be, kameleona be.

³¹ Getedi taudi nigea‐‘esasena ‘emia iauiaudi si kawakawara ‘edia: tauna ‘i gitoodi, ‘ena mwawamwawasidi, ‘i da nigea‐‘esasena ga asuinuanua.

³² Ta iage ‘ena ‘e bweu ‘i be‘u, ‘ena si mwawasa, ‘i da nigea‐‘esasena; nai ‘ebeguinua kaiwe ‘e bweu, nai ‘oama, nai bwara, nai tana, nai to ‘ebeguinua, ‘enega guinua ‘e bweu si guinuena, boasi ‘ena si da sa‘u, ta ‘i da nigea‐‘esasena ga asuinuanua; ga ‘i da ‘esasena.

³³ Ta gaeba bwa‘a iauna, ‘ena ‘e bweu ‘i be‘u, to‘ase ‘ena ‘i miami ‘i da nigea‐‘esasena, ta wa da ‘aupisarina.

³⁴ Masura iauna ‘e‘ai, tauna ‘ena boasi ‘i mai, ‘i da nigea‐‘esasena: ta boasi numanuma iauna gaeba iauna ‘edia ‘i da nigea‐‘esasena.

³⁵ Ta iage iauna ‘ena ‘idi kokoa tupwana ‘i be‘u ‘i da nigea‐‘esasena; nai umuraia, nai ‘urena ‘adi ‘ebesa‘uia, wa da ‘aupisarina; si nigea‐‘esasena, ta si da nigea‐‘esasena ‘emia.

³⁶ Ta wewerupwa nai gaula ‘ena boasi ‘i egogona ‘i da ‘esasena: ta tauna ‘idi kokoa ‘i gitoona ‘i da nigea‐‘esasena.

³⁷ Ta ‘abo ‘idi kokoa tupwana ‘i be‘u ewana si daudaunina ‘enaia, i ‘esasena.

³⁸ Ta ‘abo boasi ewana ‘ena ‘i miami, ta ‘idi kokoa tupwana ‘ena ‘i be‘u, tauna nigea‐‘esasena ‘emia.

³⁹ Ta ‘abo bomitawa ‘e bweu, tauna ‘enega wa ‘e‘ai, ‘i mwawasa; tauna ‘ina kokoa ‘i gitoona ‘i da nigea‐‘esasena ga asuinuanua.

⁴⁰ Ta tauna ‘ina kokoa ‘enega i ‘e‘ai ‘ana ‘oama ‘i da ‘utudi ga ‘i da nigea‐‘esasena ga asuinuanua; tauna wate ‘ina kokoa i ‘a‘arina ‘ana ‘oama ‘i da ‘utudi, ta ‘i da nigea‐‘esasena ga asuinuanua.

⁴¹ Ta iage lokawaridi iauna bare‘uia si kawakawara gadiluludi; gea‘abo wa ‘e‘enidi.

⁴² To‘ase nai gamwanega ‘i tautauia, ta to‘ase nai ‘aena ‘e ata ‘ediega ‘i tautauia, nai tauna ‘aena iauna, iage lokawaridi iauiauna bare‘uia si kawakawara, taudi gea‘abo wa ‘e‘enidi; taudi si gadilulu.

⁴³ Gea‘abo wa da giegadiluluiemi iage lokawarina ‘e bweuna ‘i kawakawara ‘enega, ta gea‘abo wa da nigea‐‘esasena ‘ediega, be ‘ediega wa da baila.

⁴⁴ ‘Abo‘agu Ieoba ‘imi Eaubada ta ‘enega; ‘enega wa da ‘etabuiemi, be wa da ‘esasena; ‘abo‘agu ‘esasegu ta ‘enega: ta gea‘abo wa da giebaila‘emi iage lokawaridi bare‘uia si loniu ‘e bweuna ‘enega.

⁴⁵ ‘Abo‘agu Ieoba taugu ta ‘enega ia ‘au‘ewemi ‘asa Aigupito ‘enega, be ia ‘imi Eaubada; ‘omi wa da ‘esasemi, ‘abo‘agu ‘esasegu ta ‘enega.

⁴⁶ Gete bomitawa ‘ana loina, manua be, iage maiawasina ‘e bweuna ‘e bweuna boasi ‘edia si lomiu be, iage iauna si kawakawara bare‘uia be:

⁴⁷ sabi sa‘u dumadumadi iage nigea‐‘esasena be iage ‘esasena, ta iage maiawasina gea‘abo wa da e‘ani be iage maiawasina gea‘abo wa da e‘ani.