Isaia 30 - Buki Tabu Lowaenei 1919

‘UPWA 30.

¹ Oioi gogama loguitoasa ‘edia, Ieoba ‘i gwae, loina si ‘ebesa, ta nigea ‘eguiega; ta bwasega si bwasa, ta nigea iaruiaruagu ‘enega, be ‘enega loegesi si sa‘uepopo loegesi ‘enaia:

² Taudi si tauia sabi mwa‘uta Aigupito ‘enaia, ta ‘awaguiega nigea si eona; sabi giepa‘aridi taudi Parao ‘ina pa‘arega, ta sabi ‘emisa Aigupito ‘ina iauiaukwa ‘enaia!

³ Ta ‘enega Parao ‘ina pa‘ara ‘i da ‘ami omaiamaia, ta ‘emisa Aigupito ‘ina iauiaukwa ‘enaia ‘imi ‘ebeloniu.

⁴ ‘Ina ‘inapwanao Soana ‘ena si miami, ta ‘ina topiliiareiare ni‘atu si mai Anesa ‘enaia.

⁵ Iauiaudi si da omaiamaia tomota nigea si giebobo‘anedi manudi, taudi nigea ‘ebeleme nai ‘ebebobo‘ana, ta omaiamaia tugai, ta wate ‘ebesinara.

⁶ Iarasi ‘ina iobai ‘adi ona. ‘Asa loniu ta elo‘uia, tauna ‘enega laione me wainena ta laione me‘olotona si mai, moata darere ta moata ‘ara‘arata lotaea, ‘asa nina ‘idi gwegwe si ‘ewa rubware ase menonoiadi ‘aradi ‘edia, ta ‘idi oesi kameli guaudi ‘edia, tomota nigea si da giebobo‘anedi ‘edia.

⁷ Aigupito ‘i leme besobeso ta ‘enega, ta nigea ‘e bweu ‘ina bobo‘ana: ta ‘enega ‘ana esana ia ‘inana Raaba to miatoa enono.

⁸ Gete ‘enega ‘u da tauia, ‘u da ‘etoladina matadia ‘ebe‘etoladi ‘ena, ta buki ‘ena ‘u da ‘etoladina, be ‘i da mia‘ataia tuta ‘i memai ‘enega be gea‘abo ‘i da gumwagumwara.

⁹ Tomota gete loguitoasidi, gogama onakabokabo, gogama Ieoba ‘ina loina nigea si da nono:

¹⁰ Taudi si gwae to‘itao ‘edia, Gea‘abo wa ‘ita; ta paropitao ‘edia, Iage paruparudi gea‘abo wa da paropisai ‘emaia, iage nonokwaikwaiidi wa da oneonedi ‘emaia, iage kabokaboiao wa da paropisai:

¹¹ ‘Edega wa da tauiawa, ‘edega wa da tauia dumaduma, Iseraela ‘ina Tabu Tebweuna ‘ana ‘oata‘oata ‘wa da sa‘ui.

¹² Ta ‘enega gete nadigega Iseraela ‘ina Tabu Tebweuna ‘i gwae, ona gete wa sinarina ta ‘enega, ta giemwau ta bokoboko ‘edia wa ‘emisa, ta ‘ena wa mia‘ataia;

¹³ Ta ‘enega bubuna bokobokona gete ‘i da nadigega weara i ‘abe ‘i be‘u ‘emia, ‘i sinasinabwa ‘arigurewa ‘etosora ‘enaia, tauna ‘ina weara ‘i lomaninisanama.

¹⁴ Ta ‘i da episarina ‘atua to bubu ure ‘ina keiga ‘i episari, ‘i episarina ga senasenamina nigea ‘e bweu ‘i pilisinena; ta ‘enega tomwanao ‘edia nigea ‘e bweu tomwa si da loba be awe si da ‘ewa karikauiega, nai ‘enega boasi si da goni boasigaulega.

¹⁵ Gete nadigega ‘Inapwana Eaubada ‘i gwae, Iseraela ‘ina Tabu Tebweuna, ‘Ilama ta eiawai‘ata ‘enega wa da bobo‘ana; mia‘emwa‘ule ‘ena ta nuaiai ‘ena ‘imi pa‘ara ‘i da miami: ta geanuami.

¹⁶ Ta wa gwaegwae, Nigea, ‘a da dena ose ‘ediega; ta ‘enega wa da dena: ta, To pili Sana ‘ena ‘a da geru; ta ‘enega taudi si pa‘imi si da to pili sana.

¹⁷ Wani tausana si da dena ‘e bweuna ‘ina ba‘e ‘enega; sitenima ‘idi bae ‘enega wa da dena: ga si da pilisinemi ‘atua kaiwe ‘i tooro ‘oea debanaia, ta nadigega doedoe ‘oea gidarina ‘enaia.

¹⁸ Ta ‘enega Ieoba ‘i da iamwaiamwa, be ‘i da nuabobo‘ana ‘emia, ta ‘enega ‘i da mia tu‘e, be ‘i da nua‘ole‘ole ‘emia: Ieoba loina ‘ina Eaubada ta ‘enega; taudi manuna si iamwaiamwa si bobo‘ana.

¹⁹ Tomota Siona ‘ena si da miami Ierusalema ‘enaia ta ‘enega: gea‘abo wate ‘u da dedoi; ‘imu bwau ‘enanega ‘i da nua‘ole‘ole ‘ai‘aila ‘emuia; ‘ena ‘i da nono, ‘i da ona limana ‘emuia.

²⁰ Ta ‘abo ‘Inapwana mia to‘umalina ‘ana masura i ‘ebwaemi, ta elo‘uia ‘ana boasi, ta gea‘abo ‘imu to e‘itao si da miakwaia wate, ta mataio ‘imu to e‘itao si da ‘ita:

²¹ Ta tenamuao ona si da nono guaumuia, ‘i da gwae, Gete ‘eda nina, ‘ena wa da tauia; ‘ena wa sana‘ila ‘ataimi ‘ena, ta ‘ena wa sana‘ila gegeumimi ‘ena.

²² Ta ‘imi goamamea sileba ‘idi sa‘ubodaboda, ta ‘imi goamamea gola ‘e‘urenina ‘idi ‘ebebwasa wa da giebi‘i: ‘u da ‘ulediwa ‘atua iage nigea ‘esasena; ‘ena ‘u da gwae, Gete ‘enega ‘u da tauia.

²³ Ta ‘imu ewana ‘ana ‘usana ‘i da ‘ebwaea, be ‘enega bwa‘a ‘u da dauna; ta bwa‘a ‘ina sinabwa masurina, ta ‘i da iapa ta iauwawasae: asiata gote ‘imu bulomakau si da ‘e‘ai pwatura sinabwadi ‘edia.

²⁴ Bulomakau wate ta ase menonoiadi taudi bwa‘a si gesoa masura momonana si da ‘e‘ai, tauna si loweniwenini salega ta ‘ebeloweniweniniega.

²⁵ Ta ‘oea miatu‘e iauna, ta ‘oea kesora iauna ‘edia, boasi‘awanao ta boasi‐daudauiao ‘edia, si da miami, esilae sinabwana ‘ina asiata ‘enega, ‘ena anua ‘etosora si be‘u:

²⁶ Wate nawarae ‘ina ma‘edana ‘i da na‘ieana sinara ‘ina ma‘edana, ta sinara ‘ina ma‘edana ‘i da esebeni, ‘atua asiata ‘e sebeni ‘adi ma‘edana, asiata nina ‘enega Ieoba ‘ina tomota ‘idi elo‘uia ‘i paimina, ta ‘idi ‘abiiama ‘ina ‘ebeunua ‘i giebobo‘anena.

²⁷ Wa ‘ita, Ieoba ‘ana esana ‘edasorega ‘i mai, i ‘ara‘arata ‘ina gamwasoarega, ta ‘asu badona ‘i tu‘e ‘enega: sopana si maa ‘ina egamwagamwaguiega, ta meiana ‘atua awe ‘ara‘arata:

²⁸ Ta iawasina ‘atua boasi‐daudau ‘i maa‘apu‘apu, tauna ‘i tu‘e ga ‘oto ‘enaia, be ‘ebeloinao ‘i da lolulusidi iage besobeso ‘ana ‘ebelolulutega: ta ‘etoboda gieloegesi tomota ‘asemwaudi ‘edia.

²⁹ Wari wa da ‘ewa na‘ieana boiboi nina ‘enega sagari tabu si iagei; ta ‘ate‐guausoara, na‘ieana ‘ena ‘e bweu ‘i tauia ma‘ana lololi sabi rugu Ieoba ‘ina ‘oea ‘enaia, Iseraela ‘ina Gurewa ‘enaia.

³⁰ Ta Ieoba ‘enana esaesa ‘i da loina be si da nonona, ta nimana ‘ina e‘etomwa‘uta ‘i da e‘ita, ‘ina gamwasoara ‘ina egamwagamwagu ma‘ieana, ta ‘awe ‘ara‘arata meiana, ‘atumaninisa ma‘ieana, wedilia be, ‘usana patuna be.

³¹ Ieoba ‘enanega goma Asiria ‘i da weara lelewane ta ‘enega, tauna ‘i unua keweliweliliega.

³² Ta guna aseiena ‘ana unua iauna, tauna Ieoba ‘i da sa‘u ‘enaia, binobinooiao ta apiao ma‘edi: ta losaia ‘ebededera ‘enega ‘i da saia ma‘edi.

³³ Topeta ni‘atu ‘i miami lowaenei ta ‘enega; tamo, si sa‘u king manuna; ‘i mweruruina ni‘uni‘u ta sinabwana: ‘ana sa‘uepopo awe ‘ara‘arata ta kaiwe sinabwana; Ieoba ‘ina bwawa, nadigega mepulupulua daudauna, ‘i loe‘abia.