Tito 3 - Diósïri Karakata P´urheepecha Jimbo

Jakajkuticheri ukuecha

¹ Miátaa eskaksï juramukuani kurhandirakuaka ka eskaksï juamukuechani iámu sési kurhandirakuauaka ka eskaksï méntkisï jinguntku jauaka sési ambe úni.

² Ásïksï némani arhinhche, ka ásïksï jáme ima úrhutani, sánderu sánksï xénhchpe, iámu kaxumbekua xarhatatspeparini.

³ Jimbokani juchajtuni ióntki xerejtsïspka, ka nóchi kurhandirasïrempka, mirixenchi, iámendu jásï ísku jánguachi kánhchasïrempka, ka epupesïrempkachi ka eratsekuntasïrempkachi néna nósesi útspeni, ikiachesïremptijtsïni ka iámenduecha jingunchi ikiatsperasïmpka.

⁴ K'óru enga Diósï p'ímutantspiriri xarhatatspeka p'amojperakua ka xénhchperakua,

⁵ p'ímutantastijtsïni, no imani ambe jimbo engachi xáni sési ambe úka, sánderu sáni imeri p'amojkperakua jimbo ka íni jurhiatekua anapuecheri jimbanherantskua jimbo ka Espiritu Sántueri jimbanherantskua jimbo,

⁶ engajtsïni juchantsïni kánekua atajtsïkuka Jesukristu juchari p'ímutantspiri jimbo,

⁷ eskachi imeri p'ámojperakua jimbo, jucha intsïnhaaka tsípeni jarhani erokorheni méntkisï anapu irekuani.

⁸ I uandakua mintsinharhikuesti, íni ambesïni uéjka eskari sésimendu jurhentpeaka, ka eskachkaksï ambakiti ambe úaka ima engaksï Diósïni jakajkujka. I ambe sési ambesti ka iámenduechani marhuakuasïndi.

⁹ Ásï jáma kóru inchandimentani, o ióntki anapuecheri uandantskuechani ambe. Ískuesti ikiatsperani ka juramukueri ambe jimbo arhirperani jarhani; ískuestia ka nómbema marhuasïndi.

¹⁰ Ne enga jámaaka arhukpeni, mémechani uéntsï xukani, ka eka no kurhandiraska, sánderu sésiuati eskari chúntaaka,

¹¹ mítetixakajtsï eska ima ne enga ísï jámka nósesi únhchakuani mintsïtarhu kámaxakaia, ka eska imeri k'ámanharhintskuecha jimbo uekajpekorhetixakaia.

Arhijtsïkperata

¹² Engani Artemasini o Tíkikuni axaaka, júuakarini Nikopolisï kúmani, jimbokani eratseska jima nitamani enga xáni ts'irakorheni jauaka.

¹³ Axa Sénasini, enga juramukueri jánhaskatika, ka Apolosïni, ka iámu ambe íntsaa, ásïksï ambema kueratanchee.

¹⁴ Ka iámenduecha engaksï jucha jingunika, jurhengorheksï sési ambe úni ka jurhengorheksï jarhojpeni nani enga uétarhenchanhani janhaaka, ásïksï nombemaru ireke.

Uandanuntskua

¹⁵ Iámendu engaksï ixu jindeni jinguni jaka, uandajperata máksïni axachexati, ka uandajperata axakuaxaka imechani engajtsï jakajkukua jimbo xénhchajka. Kóntperata cha jiunguni jaue. Ísï jakajkuni jauaka.