Apocalipsis 15 - Diósïri Karakata P´urheepecha Jimbo

Iúmu tsimani ánjelicha ka iúmu tsimani kasïngurhikuecha

¹ Ka auandarhu máteru méntku xáni k'éri ma mínda exespka: Iúmu tsimani ánjelichani, engaksï iúmu tsimani kasïngurhikuechani káani jápka k'amarhuni jámani, enga jimbo Diósï iámu imeri ikiatani k'amajkutapirinka.

² Japundeni jásï ma xarharaspti jeuakorhetini chpíri jinguni ka tsónhastpeni járhani; ka japundarhu uanamukutinksï anhaxurhitini járhaspti ima engaksï nósesi jásï tsípiti manakorherini andapka ka imeri eratakata úkatani ka imeri miurantskuani, Diósïri sétimuechanksï jupikatixapti,

³ ka Moisesiri pirekua máksï piresïrempti, enga Diósïri jántspirika, ka Karichiri pirekuaksï arhini: K'érati ka sési járhati ambesti chéti úkuecha, Acha Diósï xáni uinhapiti, kaxumbenksï ka jurhimbenksï chéti xanharicha, irecheskari iámendu iretecharhu.

⁴ ¿Nékinisï Acha, no chérhia ka nékinisï no k'éri ambe arhia? Jimbokari t'újkusï pímbinhaxetika, ka iámendu iretechaksï juuati ka k'éri ambeksïni arhiati, jimbokari xarhataska eskari kaxumbeska.

⁵ Ka tátsekua eranchespka Diósïri k'umanchekua mítakorheni jarhani.

⁶ Ka tióstarhuksï iúmu tsimani ánjelicha uéraspti, engaksï iúmu tsimani kasïngurhikuechani káuempka, ambakiti takusï urapiti meremeresïksï xukuparhatini, ka tiripitiri jónguarhekuechanksï jónhetiani.

⁷ Ka tsípiti manakorheri ma iúmu tsimani ánjelichani iúmu tsimani tsúntsu tiripitiri íntsaspti, Diósïri ikiata uinirakuatini, ima enga méntkisï irekani jaka.

⁸ Ka tióstarhu sïrata uininhespti enga Diósïri t'íntskueka ka uinhapekua; ka nónema úpirindi tióstarhu inchani, ekaksï no urheta iúmu tsimani kasïngurhikuecha engaksï ánjelicha káni jápka k'amakurhipiringa.