1 Timoteo 2 - Diósïri Karakata P´urheepecha Jimbo

Parhakpeni anapuechani jimbo uandamukorhekua

¹ Arhixakakini eskajtsï urheta Diósïni kómarhiaka, eskajtsï uandamukukorheaka ka diósïmaiamukua arhijpentani iámendu k'uiripu jimbo.

² K'uanisïndi kómarhijpekuantu juramutichani ka terujtsïkurichani ka ísïchi sési irekaaka iámenduechani jinguni.

³ Ísï sésisti ka juchari Diósï p'ímutantspiri jaiapanhentasïndi.

⁴ Jimboka ima uéksïnga iámenduechani p'ímutantaani ka eska mítenhaaka ambe enga ísïka.

⁵ Jimboka májkueska Diósï, ka Jesukristujkusï uandapetspejti Diósïni arhini.

⁶ Jesukristu uarhikuarhu intsïnharhitakorhentasti iámenduecheri p'ímutantskua jimbo, jíani enga k'uanini jápka.

⁷ Ji jimbosïni uandakua pári eraanhantaka ka eskani jurhendauaka jakajkukueri ambe imechani engaksï no judioueka. Ka i ambe ísïsti, ji no chkuándiraxaka.

Néna sési jámani

⁸ Uékasïnga eska iámendu k'uiripu nani uéjki uandamukukorheaka, jájki tarhataparini ka p'imp'inhasï mintsita jinguni ka no ikiaparini níjtu arhirperaparini.

⁹ Ka eskaksï nanakecha kaxumbitku xukuparhaaka, eskaksï no jukaramantaaka ujtsïtani ka nójtuksï jukaramantani tiripiti o tsakapu meriari jukajukatakorheni.

¹⁰ Jángorhenteksï sési ambe níatani, ísï eskaksï na jámka nanakecha engaksï Diósïni janhanharhijka.

¹¹ Eskaksï nanakecha pínasku jurhengorheaka ka sésiksï kurhandirani.

¹² No uékasïnga eskaksï nanecha uánekua japarini jurhentpeaka, níjtuksï tatechani juramukuani. Ískuksï jaue.

¹³ Jimboka Diósï Adanini urheta kueraaska ka tátsekua Ebani kueraasti.

¹⁴ Ka no Adanisï tandosï únhati, uarhimasïsï tandosï únhati enga jimbo k'amanharhintaka.

¹⁵ K'óru uarhimasï p'ímutakorhesïndi enga kaxumbeaka ka enga sapichani káaska ka sési k'uiriperaani ka méntkisï jakajkuni kaxumbitku.