1 Pedro 5 - Diósïri Karakata P´urheepecha Jimbo

Achamasï urhejtsïkurichani arhiani

¹ Achamasï urhejtsïkurichani arhiaxaka, ísï uandaxaka jimbokani jíjtuni urhejtsïkuriska, ka xékorheska Krístu na enga úkorhenchaka, ka jíjtuni p'iuaka imani t'íntskuani enga xarharani jámkia.

² Eranguani ja je Diósïri karichichani engajtsï cha jurajkumenhaaka, ka ásï no únhchaparini u je, ásï tumina andanhchaparini u je. Mintsita jinguni ka tsípekua jinguni u je ísï eska Diósï na uéjka;

³ ásï uinhamarhea je imechani engajtsï erangutaranhaaka, sánderu sáni cha uéna je sési ambe úni.

⁴ Ka jiájkani enga K'éri karichi eranguti junguaka, t'íntskueri kanakuajtsï intsïnhaaka enga nómeni k'amakurhijka.

⁵ Májkueni chájtu tumbicha, achamasïchani kurhajchaa je; iámenduechani kétsekua uérakua je, jimboka Diósï no uékaasïnga imechani engaksï k'éramakorhejka, ka kóndeantaasïndi imani engaksï kétsekua uératspejka.

⁶ Diósïri uinhapxurhakuani kétsekua ueraku je, ka jiájkani enga jurhiatekua niáraaka imaksïni k'érikurhu péraati.

⁷ Chári uandanheatechani Diósïni jurajkukua je, jimbokaksïni ima eranguni jarhasïnga.

⁸ Jinguntku ja je ka míani ja je. Nóambakiti engajtsïni ikiachejka, ísï jurhani jarhasïndi eska púki, karuchantani jarhasïndi jirinhantani nénisï ántaa.

⁹ Kánekua tekaantsï je ka kánekua sési jakajkuni ja je, nóambakitini anhatseku je, ka Diósïni méntku mintsikani ja je, míaparini eskaksï ma parhakpeni erachicha, májkueni eska cha, nósesi jásï ambe tekaantaxaka.

¹⁰ Diósï, enga xáni kóntpejka ka engaksïni t'íntskuarhu péraka Krístuni jimbo, engajtsï sóndi nósesi úkorhenchakia, imaksïni sési p'ikuarhenhetantaati, ka kánekuaksïni mintsikatarani ka uiuinhajkuntaatiksïni ka nóteruksïni jurajkuatia.

¹¹ Diósïri irechekua ménkisïue. Ka ísïue.

¹² Silbanu, jucheti erachi engani mintsinharhijka, inderini jarhuatasti engaksïni sáni íni ambe karacheka engaksïni arhini jaka ka aianguntani jarhani, enga sési jimbo ísïka Diósïri xénhchperata; ásï jurajku je íni ambe.

¹³ Kurhangorhexatiksïni jakajkuticha engaksï Babilonia jaka, engaksï májkueni erakukateka eskajtsï cha na erakukateka, ka jucheti uátsï Márkusïjtuksïni kurhangorhexati.

¹⁴ Xénhchperaparini iámenduecha uandajpera je. Eskajtsï sési jauaka cha engajtsï Krístuni jingunika.