Biblia Todo Logo
Bìoball air-loidhne

- Sanasan -

1 Corintios 5 - Diósïri Karakata P´urheepecha Jimbo


Néna kámani ísku jandindini ma

1 Mítekorhexati eska cha ma isï nósesi irekaxaka, ka inde nósesi jásï irekua engaksï no jakajkuticha jamberi, no tekaajka úni, jimboka nema tatjemberi tembani kúrhetixaka.

2 Ka, ¡Útasïterusjtsï, méntku isï k'éramakorhexaka! ¿Andi nójtsï miskuarheni japirini ka indeni ísï niátatintsï kenditani?

3 Ka jucheti jimbo, nájkirukani no jímini jáka, p'ikuarhenhexaka chánksïni jinguni jarhani espiritu jimbo, ka indeni isï niátatini k'amanharhirantaskia,

4 ka engajtsï juchari Acha Jesusïni jimbo tángorhentatini jarhajka, jíjtuni espirituni jimbo jima jauaka, ka Acha Jesukristueri uinhapekua cha jinguni jarhasïndi,

5 indeni achetinchka Nóambakitini intskuntsï je, eska imeri k'uiripuekua k'amajkunhaka, ka imeri ánima p'ikunhantaati na enga jatini Acha junkuaaka.

6 ¡Nósesi jarhasti eskajtsï ísï k'éramakorheni jauka! ¿Andi nójtsï míteski eska sántku xarhiperakua iámendu tsïrerini kerhutasïnga ka iamu xarhiperani?

7 Ma akandani péra je xarhiperakuani enga nóteru marhoajkia, ka cha tsïrerini jimbanhentsï je, jimbokajtsï cha isïska eska kurhinda paskueri, enga no xarhiperantskateka. Jimboka Krístu, juchari karichi páskueri akua, uándikunhaskia.

8 Juchka je paskueri k'uínchekuani sesi úntani, no xarhiperakua jinguni, ju je nóteru jatanhetspeparini xénhchkpeparini o kurhunpeparini; no ikiatspepariniaru, sési jáxentatini ambakiti mintsita jinguniaru.

9 Urhetkuksïni Karachespka, eskajtsï ísku jandichani no kúrheapiringa.

10 Ka no arhikuekaxaka eskajtsï métku jarhareauaka, parhakpeni anapuechani, ísku jandichani, tumina kánhchatichani, sïpajkurhechani, imechani engaksï eratakatechani diósïrajka. Jimboka enga ísïpiringa k'uanipirindi eskajtsï parhakpenirhu uéjpentapiringa.

11 Karachespkachkaksïni arhikuekani eskajtsï no kungorheaka, jakajkuti arhikorherichani jinguni, engaksï ísku jandika ka tumina kánhchatini, ka sïpajkurheni ka engaksï eratakatechani diósïrajka ka arhinchpitichani, ka kauichenksï ka uarhisechani. Indeni jarhatichani jinguni ásï jamberi uaxaki je t'ireni.

12 ¿Andisïni ji k'amanharhirantaua no jakajkutichani? ¿Andi jakajkutichani jima anapuechani nójtsï chasï k'amanharhirantaua?

13 No jakajkutichani Diósïsï k'amanharhirantauati, ka indeni nósesi úrini enga cha jinguni jaka, chúntsïchka je.

Biblia en P´urhépecha, Michoacán, México © Sociedad Bíblica de México, A.C.

Bible Society of Mexico
Lean sinn:



Sanasan