Yith 57 - JAM DE NHIALIC 2011

Läm ye Yithriɛl Yiëth Lam acï Jääny

¹ Kɔc piɛth ayek thou, ku acïn raan ee ye yökic, ku cïn raan diɛɛr në yen. Ku të cï kek thou acïn riäŋ ee ke yök.

² Kɔc tɔ̈u në pïïr piɛthic, ayek mät ku lɔ̈ŋ yök në thuɔɔuwic.

³ Bäkkï ee tënë bïï löŋdun bɛ̈n guiir wek kɔc ke awɛ̈ɛ̈c! Wek cïï ŋuän në tït, ku röör akɔɔrdiäär ku diäär akɔɔrröör.

⁴ Eeŋa këduön jakï dɔl guöpë? Eeŋa këduön yak lɛ̈k lueth ku bɔ̈ikï?

⁵ Wek ee yiëth ee diäär tɔ dhiëth lam në nïn ya wek niin në diäär në tiim ke ɣok thäär. Wek ee mïthkun gam ke ke ye miɔ̈c näk, në kɔ̈k ke kur thiääk ke nyïïn ke pïïu tɔ̈u në kur thäär piny.

⁶ Wek ee kur lip nööm ëtɛ̈ɛ̈n ku lamkï keek ke ke ye yiëth. Ku ayak keek gäm mɔ̈u ke ye miɔ̈c ye dek, ku yiɛ̈nkï keek rap ke ke ye miɔ̈c ë rap. Yak tak miɛt piɔ̈u wo ee kake ëbɛ̈n.

⁷ Wek ee lɔ në kur bär nïïm bäk miɔc lɔ gam ku jakkï niin në diäär.

⁸ Wek cï kït ke yiëthkun kan në ɣöötkun thäär ciëën. Wek cï a nyääŋ piny, wek cï lupɔɔkun yɔ̈ɔ̈t bei në wekɔ̈ɔ̈th ku jakkï kɛɛc ë biökkuön dït nïïm, bä wek tɔ̈c në duet määthkuön, cäk ke riɔp bïk tɔ̈c në week. Ku ëtɛ̈ɛ̈n wek bï piɔ̈ɔ̈th jɔ thök në baldun.

⁹ Wek ee röt yoor në aŋiëërdun ku kake tɔc ku jakï yanhduön Molek lɔ lam. Në luɔi bä wek yanh lamkï yök, wek ee tuc tuɔɔc piny mec ku lɛ̈ɛ̈uwic, ayï paan ë thuɔɔu.

¹⁰ Wek ee röt tɔ bäp ke we kɔɔr yiëth kɔ̈k, ku we cie bäp. Ayak tak nɔn duëër ë yiëthkuön rackë we gäm riɛl, ke we cïï bï kɔ̈c.

¹¹ Aye Bɛ̈nydït lueel an, “Kek yiëthkë yek yïŋa, ka ayek week tɔ riɔ̈c, ka wek ee ya lɛ̈k lueth ku määrkï nïïm në Yɛn taitai? Cäk riëëu aa wek a riëëu pɔ̈l, në luɔi cän mim në kaamdït yic?

¹² Yɛn bï jam në baŋ de piathëpiɔ̈ndun ku ka yak looi, ku yiëthkun acïn kë bïk kuöny week.

¹³ Të Dhiaau wek ke we kɔɔr kuɔɔny, takï yiëthkun kony week! Yom thiin put aduëër ke jat wei! Ku kɔc ŋäth Ɛn abïk tɔ̈u ë piny yic ku abïk Ɛn aa lam në kuurdiën ɣeric nɔm.”

Gutguut de Nhialic në biäk ë Waar ku Kuɔɔny

¹⁴ Aye Bɛ̈nydït lueel an, “Takkï kɔckï bɔ̈ ciëën tëdï. Nyaaikï ka ee keek gël në kuɛɛr yiic! Yiɛ̈kï kueer, ku guiɛɛrkï!

¹⁵ “Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

¹⁶ Yɛn cï kɔckï gäm pïïr, ku Yɛn cïï bï bɛ ŋoot ke ke gaany ku cä göth wo keek aɣet athɛɛr, në luɔi cï kek bï thou, kek kɔc cä gäm wëi.

¹⁷ Yɛn aa göth wo keek në biäk de awɛ̈ɛ̈cken ku dït ë piɔ̈ɔ̈thken, ku ëtɛ̈ɛ̈n guɔ ke luöi këtuc ku päl keek. Ku ŋootkï ke ke ril nïïm, ku ŋootkï ke ke cath në kueerdɛn thɛɛric.

¹⁸ “Acä tïŋ yen të ye kek kaken luɔi thïn, ku abä ke tɔ waar. Abä ke wat ku kuɔny ke, ku yɛn bï kɔc dhiau duut piɔ̈ɔ̈th.

¹⁹ Yɛn cï mät gäm raan ëbɛ̈n, kɔc thiɔ̈k ku kɔc mec. Yɛn bï kɔckï tɔ waar.

²⁰ Ku kɔc rac acïtkï wɛ̈ɛ̈r de yic apiöök, cie lɔ lik, ee ka cïï piɛth lɔk në kuëër.

²¹ Aye Bɛ̈nydït lueel an, “Acïn të bïï ë kɔc awɛ̈ɛ̈c looi kony.”