Yith 20 - JAM DE NHIALIC 2011

Kïn de Tiët Cïn Kɔ̈u Lupɔ

¹ Na wën Thargon melik de Athiriya ë yöök bɛ̈ny de remdɛn de tɔŋ bïï Pilithiin ke Acedɔd lɔ mak ku peec.

² Na wën cï run kadiäk wan, go Bɛ̈nydït Yithaya wën Amoth yɔ̈ɔ̈k an, “Bɛ̈ɛ̈iyë lupɔɔku bei ëbɛ̈n, ayï wɛɛrku. Go Yithaya looi cït man cïï ye lɛ̈k en, ago piny aa kuany ke cïn kɔ̈u lupɔɔ ku cïn cök war në run kadiäk.

³ Na wën, aacï Acedɔd peec, go Bɛ̈nydït lueel an, “Raan ee ya luöi cɔl Yithaya aaye cath ke cïn kɔ̈u lupɔɔ ku cïn war në run kadiäk. Kënë ee kïn de ke bï tuöl në Rip ku Ethiopia.

⁴ Melik de Athiriya abï kɔc jɔt ke ke cïn kɔ̈ɔ̈th lupɔɔ, kɔc mac ë pec keek në Rip ku Ethiopia. Dhuök ku röördït, abïk cath ke ke cïn cök war ku cïnkï kɔ̈ɔ̈th lupɔɔ, ke ke tiëc aŋuɛm, ku jɔ ayäär yiɛ̈n Rip.

⁵ Kɔc cï aŋäthden tääu në Ethiopia guöp, ku leckï kenïïm në biäk de Rip, abïk gup riɔ̈ɔ̈c ku jäl aŋäthden.

⁶ Të lee köölë bɛ̈n, kɔc rɛ̈ɛ̈r në akɛɛth ke Pilithiin abïk lueel an, “Tiëŋkï kë cï rɔt luöi kɔc ye wok röt kan ë keek, bïk wo kony në melik de Athiriya! Buk be pïïr adï?”