Neɣe 7 - JAM DE NHIALIC 2011

¹ Ku ënɔɔnë kal acï nyɔk në yïk, thook ke kal acï ke tääu tëden kedhie, ku kɔc ee Luaŋdït tiit acï ke kuany, ku kɔc ee ket, ayï kɔc kɔ̈k ke Lebai acï ke gäm luɔiden.

² Yɛn cï mɛ̈ny mɛcë päny de Jeruthalem tääu në kɔc cin, wänmääth Ɣanani kekë Ɣanania bɛ̈ny ë rem de tɔŋ, në biäk ye Ɣanania raan adöt ee riɔ̈ɔ̈c ë Nhialic awär kɔc kedhie.

³ Guɔ lɛ̈k keek an, “Duökï thook ke kal ë Jeruthalem ee guɔ liep të ŋoot akɔ̈l ke kën ɣëët nhial, ku thiökke ke akɔ̈l ë kën thëi ke kɔc ee tïït ke ke kën guɔ jäl. Ku kuany tït aya, bï kɔc ee tïït kuany në kɔc rɛ̈ɛ̈r wutic ë Jeruthalem ku kɔc kɔ̈k në keyiic abïï ke tääu në ɣään kithiic në aguuk ke kalic ku kɔc kɔ̈k bï tïït në bɛ̈i thiääk në ɣöötken kɔ̈ɔ̈th.”

Rin ke Kɔc ë bɔ̈ Ciëën ë Pɛ̈cic

⁴ Jeruthalem aaye pänydït ku acïn kɔc juëc ërɛ̈ɛ̈r thïn, ku cïn ɣööt juëc ë cï guɔ yïk thïn.

⁵ Go wëi ke Nhialic a jääm, bä kɔc määt yiic ë bänyken, ku bäny ke luɔi, ku bï kuën ë raan cï gɔ̈ɔ̈r ëbɛ̈n ŋic në ɣöötken thook. Yɛn ë kuën ke rin ke kuarken ë kɔc ë bɔ̈ ciëën ë pɛ̈cic tueŋ yök, ku luɔi cïï ye gɔ̈ɔ̈rkï:

⁶ Kɔc juëc ë cï peec acïk piny de Babilon pɔ̈l ku pukkï röt Jeruthalem ku Juda, raan ëbɛ̈n ë lɔ wunden. Bɛ̈iken aake rɛ̈ɛ̈r ë pɛ̈cic në Babilonia të ɣɔn cïï Melik Nebukadnedhar ke lɛɛr ëtɛ̈ɛ̈n ke ke ye kɔc mac.

⁷ Bänyken ee yï: Dherubabel, ku Jecua Neɣemia, ku Adharia, ku Raamia, ku Naɣamani, ku Modekayo, ku Bilcan, ku Mïthpereth, ku Bikbai, ku Neɣum ku Baana.

^8-25 Kënë ee kuën de dhiëën ke Yithriɛl ku lɔ dhiën kɔ̈k ë bɔ̈ ciëën ë pɛ̈cic. Dhiën ë Paroc ayek 2,172, Ku dhiën ë Cepatia ayek 372, Ku dhiën ë Ara ayek 652, Ku dhiën ë Paɣath Mowap (mïth ke wɛ̈ɛ̈t ke Jecua kekë Jowap) ayek 2,818, Ku dhiën ë Eelam ayek 1,254, Ku dhiën ë Dhatu ayek 845, Ku dhiën ë Dhakai ayek 760, Ku dhiën ë Binui ayek 648, Ku dhiën ë Bebai ayek 628, Ku dhiën ë Adhagat ayek 2322, Ku dhiën ë Adonikam ayek 667, Ku dhiën ë Bikbai ayek 2,067, Ku dhiën ë Adin ayek 655, Ku dhiën ë Ater (aye cɔɔl aya Ɣedhekia) ayek 98, (Ɣedhekia) dhiën ë Ɣacum ayek 328, Dhiën ë Bedhai ayek 324, Dhiën ë Ɣarip ayek 112, Dhiën ë Gibiɔn ayek 95.

^26-38 Kɔc wään rëër ë kuarken në ee wuötkë yiic acïk bɛ̈n ciëën ayadäŋ: Kɔc ke Betheleɣem ku Netopa — 188, Kɔc ke ë Anathoth — 128 Kɔc ke Beth Adhimabeth — 42 Kɔc ke Kiriath Jiriim, ku kɔc ke Kepira, ku kɔc ke Beeroth — 743 Kɔc ke Rama ku Geba — 621 Kɔc ke Mikmac — 122 Kɔc ke Bethel ku Ai — 123 Kɔc ke Nebo kɔ̈k — 52 Kɔc ke Eelam kɔ̈k — 1254 Kɔc ke Ɣarim — 320 Kɔc ke Jeriko — 345 Kɔc ke Lod, ku Ɣadid ku Ono — 721 Kɔc ke Thenaa ayek 3,930.

^39-42 Ku kënë ee kuɛ̈n de rin ke dhiën ke bäny ke kake Nhialic ɣɔn bɔ̈ ciëën në pɛ̈cic: Jedaya (käu de Jecua) — 973 Yimer — 1,052 Pacur — 1,247 Ɣarin — 1,017

^43-45 Dhiën ke Lebai ɣɔn bɔ̈ ciëën në pɛ̈cic: Dhiën ke Jecua ku Kadmiel kek ee käu de Ɣobaya — 74 Kɔc ee diɛt ket ë Luaŋdïtic dhiën de Athap — 148. Kɔc ke tiët ë Luaŋdïtic dhiën ke Calum, ku Ater, ku Talmon, ku Akub, ku Ɣatita, ku wɛ̈ɛ̈t ke Cobai — 138.

^46-56 Dhiën ke kɔc ee luui në Luaŋdïtic ëbɔ̈ ciëën ë pɛ̈cic: Dhia, ku Ɣathupa, ku Tabawoth. Keroth, ku Thia, ku Padon. Lebana, ku Ɣagapa ku Calmai, Ɣanan, ku Gidel, ku Gaɣaar, Riiya, ku Redhin, ku Nekoda, Gadham, ku Yudha, ku Pathia, Bethai, ku Munim, ku Nepucethim, Bakbuk, ku Ɣakupa, ku Ɣarɣur, Badhlith, ku Meɣida, ku Ɣarca, ku Barkoth, ku Thithera, ku Tema, Nedhia ku Ɣatipa.

^57-59 Dhiëën ke kɔc ɣɔn ee Tholomon luöi ɣɔn bɔ̈ ciëën ë pɛ̈cic: Thotai, ku Thopereth, ku Perida, Jaala, ku Darkon, ku Gidel, Cepatia, ku Ɣatil, Pocereth Ɣathebayim, ku Amon.

⁶⁰ Kuën ë käu de kɔc ɣɔn ee luui ë Luaŋdïtic ku kɔc ë ye Tholomon luööi ɣɔn bɔ̈ ciëën ë pɛ̈cic ayek 392.

^61-62 Kakë ee kɔc ɣɔn ë bɔ̈ ciëën në wuöt wën cɔl ke yï Tel Mela, ku Tel Ɣarca, ku Kerup, ku Adon, ku Yimer, ku akënkï röt bɛ̈n nyuɔɔth nɔn ye kek käu de Yithriɛl. Ku wɛ̈ɛ̈t ke Delaya, ku wɛ̈ɛ̈t ke Tobia, ku wɛ̈ɛ̈t ke Nekoda, ayek bot kadhetem ku thiërŋuan ku rou 642.

^63-64 Kakë aya ayek dhiëën ke bäny ke kake Nhialic kën ë kuarken gɔ̈ɔ̈r ago ke ŋic. Wɛ̈ɛ̈t ke Ɣobia, ku wɛ̈ɛ̈t ke Ɣakoth, ku Bardhilai kuɛɛrëden ë bäny ke kake Nhialic dhiën de Bardhilai acï thiëëk ë nyan dhiën ë Bardhilai de Giliyad ee rɔt cɔɔl në rin ke dhiënden ë yï tiiŋde. Na ɣɔn acï ke nyuöth tën ë bïï kuarken thïn ke ke reecë në luɔi duëër kek aa bäny ke kake Nhialic.

⁶⁵ Go Bɛ̈ny de Judai lɛ̈k keek cïkï duëër cam në këcam ɣeric cï gäm Nhialic ke ye miɔ̈c, aɣet të bï yen kɔn dɛ bɛ̈ny de kake Nhialic bï cäär de kur ke Yurim ku Thumim looi.

^66-69 Kuën de kɔc ë cï peec ku lek bɛ̈n ciëën aake ye — 42,360. Ku röör ku diäärkɛn ee kɔc luööi aake ye — 7,337, ku röör ku diäär ee ket aake ye — 245. Ku joŋgöörken aake ye — 736, ku mulken aake ye — 245. Ku thɔ̈rɔ̈ɔ̈lken aake ye — 435, ku mulkɛn kɔ̈k aake ye — 6,720.

^70-72 Kɔc juëc acïk bɛ̈n juar kunykï në luɔi bï Luaŋdït bɛ nyɔk në yïk tëde: Bɛ̈ny de baai aa gɛm kilɔɔ kabɛ̈t ke adhɛ̈p, ku aduuk kathiërdhïc ke luɔi ë Luaŋdïtic, ku 530 ke lupɔɔ ke bäny ke kake Nhialic. Bäny nu ë dhiëën nïïm aake gɛm 168 ke kilɔɔ ke adhɛ̈p ku1,250 ke kilɔɔ ke atek. Kɔc kɔ̈kkë aake gɛm 168 ke kilɔɔ ke adhɛ̈p, 140 ke kilɔɔ ke atek, 67 ke lupɔɔ ke bäny ke kake Nhialic.

⁷³ Bäny ke kake Nhialic ku Lebai, ku kɔc ee Luaŋdït tiit, ku kɔc ke diɛt ku lɔ kɔc juëc kɔ̈k, ku kɔc ke luɔi de Luaŋdït, mïth ke Yithriɛl kedhie aake cï piɔ̈ɔ̈t në bɛ̈i yiic ku wuöt ke Juda yiic.