Neɣe 11 - JAM DE NHIALIC 2011

Kɔc Rɛ̈ɛ̈r në Jeruthalem

¹ Ku Bäny nu ë kɔc nïïm aake rɛ̈ɛ̈r në Jeruthalem, ku kɔc kɔ̈kkë abïk gɛk dɛɛny ago baai tök aa lɔc në bɛ̈i kathiëër thook në wuöt ëbɛ̈n bïk lɔ rëër Jeruthalem pänydït ɣeric, ku kɔc kɔ̈kkë abï lɔ rëër në wuöt kɔ̈k dït yiic ku bɛ̈i thii kɔ̈kkë.

² Kɔc aake ye raan cï röt gam bï lɔ rëër Jeruthalem piɔɔny.

³ Në wuöt kɔ̈kiic ku pɛ̈ɛ̈nydïtiic, kɔc ke Yithriɛl, ku bäny ke kake Nhialic, ku kɔc ke Lebai ku kɔc ee luui Luaŋdït, ku lɔ käu ke kɔc ë ye Tholomon luööi aake ŋoot ke ke rɛ̈ɛ̈r në piinykeniic në wuötkeniic. Rin ke bäny mac wuöt juëc ke Juda rɛ̈ɛ̈r ë Jeruthalem:

Juda:

⁴ Ku kɔc ke dhiën ë Juda: Athaya wën de Yudhia ku wën ë wën ë Dhekaria, ku Amaria, ku Cepatia ku Maɣalalel, käu de wën ë Juda cɔl Peredh.

⁵ Ku Maathia ë Baruk ku wën ë wën ë Koloɣodh. Ku kuarken kɔ̈kë nu yï Ɣadhaya, ku Adaya, ku Joyarip, ku Dhekaria käu de wën ë Juda cɔl Cela.

⁶ Käu de Peredh rɛ̈ɛ̈r në Jeruthalem ayek 468 ke kɔc tuc thook.

Dhiën ë Benjamin:

⁷ Ku kɔc ke dhiën ë Benjamin Thalu, wën ë Meculam ku wën ë Joyed. Kuarken kɔ̈kë ee yï Pedaya, ku Kolaya, ku Maathia, ku Yithiɛl, ku Jecaya.

⁸ Gabai ku Thalai, kɔc raan në Thaulo arëët. Keek kedhie ayek 928 kek kɔc dhiën ë Benjamin rɛ̈ɛ̈r ë Jeruthalem.

⁹ Jowɛl wën ë Dhikiri yen aaye bɛ̈nyden, ku Juda wën ë Ɣathenua yen aaye bɛ̈ny de rou wutic.

Bäny ke kake Nhialic:

¹⁰ Ku bäny ke kake Nhialic Jedaya wën ë Joyarip, ku Jakin.

¹¹ Theraya wën ë Ɣilikia wën ë Meculam. Kuarken ee yï Dhadok, Merayoth, ku Aɣitup, ɣɔn ee bɛ̈ny de ɣön ë Nhialic.

¹² Kedhie aake ye 822 ke kɔc ke dhiën ɣɔn ee luui Luaŋdït. Adaya, wën ë Jeroɣam ku wën ë wën ë Pelalia. Kuarken ayek yï Amadhi, ku Dhekaria, ku Pacur ku Malikija.

¹³ Keek kedhie aake ye bot kaarou ku thiërŋuan ku rou 242, kek bäny ë mac ɣööt ke wärken thook. Amacthai wën ë Adharel, Adharel wën de Aɣadhai, ku Aɣadhai wën de Mecilemoth, Mecilemoth wën de Yimer.

¹⁴ Ku adekï 128 ke rem de tɔŋ ril arëët. Bɛ̈nyden aaye Dhabedil wën de Ɣagedolim.

Lebai:

¹⁵ Ku kɔc ke Lebai Cemaya wën ë Ɣacup ku ye käu de Adhirkam. Kuarken ee yï Ɣacabia ku Buni.

¹⁶ Cabethai ku Jodhabad, ee bäny ke Lebai, cï ke gäm luɔi de ka ke ɣön ë Nhialic ë biäk biic.

¹⁷ Matania wën ë Maika ku ee wën ë wën ë Dhabedi, käu de Athap, yen ee bɛ̈ny de kɔc ee diɛt kiit go lɔ̈ŋ gɔl në thieithieei. Bakbukia, ee yen ee bɛ̈ny lɔ në Matania cök. Abda, wën ë Camua ku ee wën ë wën ë Galal, käu de Jeduthun.

¹⁸ Kedhie ayek 284 ke kɔc ke Lebai ɣɔn rɛ̈ɛ̈r në pänydït ɣeric de Jeruthalem.

Kɔc ee Luaŋdït tiit

¹⁹ Ku kɔc ee Luaŋdït tiit thok: Akub, ku Talmon ku kɔc rɛɛn kek kedhie aake ye 172.

²⁰ Ku kɔc kɔ̈k ke Yithriɛl ku bäny ke kake Nhialic, ku kɔc ke Lebai aake rɛ̈ɛ̈r në piinykeniic në wuöt kɔ̈k yiic ku pɛ̈ɛ̈nydït ke Juda kɔ̈k yiic.

²¹ Kɔc luui në Luaŋdïtic rɛ̈ɛ̈r Jeruthalem biäk cɔl Opɛl, bänyken aake ye yï Dhia kekë Gicepa.

²² Bäny ke kɔc ke Lebai ɣɔn rɛ̈ɛ̈r në Jeruthalem, ee yï Yudhi, wën ë Bani ku wën ë wën Ɣacabia. Kuarken ee yï: Matania ku Maika ku yen ee raan dhiën ë Athap, yen dhiën ɣɔn de ciin riɛl de kɛŋ ku thoom ke luɔi ɣön ë Nhialic.

²³ Ade lööŋ ë cï tääu piny në melik luɔi bïï dhiëën kiët ë diɛt Luaŋdït aa wɛ̈ɛ̈r në aköölnyïïn.

²⁴ Pethaya wën ë Mecedhabel, raan dhiën ë Dhera në Juda, acïk tuɔɔc bï kake Melik aa looi në biäk de kɔc ke Yithriɛl në göny ke Perthia yic.

Kɔc Rɛ̈ɛ̈r në Wuöt ku Pɛ̈ɛ̈nydït Kɔ̈k Yiic

²⁵ Kɔc juëc arëërkï në wuötiic ke ke thiääk në duumken, ku kɔc dhiën ë Juda arëërkï në Kiriath Arba, ku Dibon, ku Jekabdheel ku në bɛ̈i yiic bɛ̈i thiääk në pɛ̈ɛ̈nydïtkë.

²⁶ Keek aya arëërkï në pɛ̈ɛ̈nydït ke Jecua yic, ku Molada, ku Bethpelet,

²⁷ ku Ɣadharcual, ku në Biirceba ku bɛ̈i thiääk në yen,

²⁸ keek arëërkï në pɛ̈ɛ̈nydït ke Dhiklak yiic ku Mekona ku bɛ̈iken yiic

²⁹ Ku Erimonic, ku Dhora në Jarmuth.

³⁰ Në Dhanowa në Adulam ku bɛ̈i thii thiääk ee wuötkë yiic, keek arëërkï në Lacic ku duum thiɔ̈k ëtɛ̈ɛ̈n yiic, ku Adheka ku bɛ̈ikɛn thiääk në yen. Ka kɔc ke Juda aake rɛ̈ɛ̈r në aken tɔ̈u në kaam de Biirceba në biäk de wöuwic ku wunthiin de Ɣinom në biäk lɔ rut.

³¹ Kɔc ke dhiën ë Benjamin aake rɛ̈ɛ̈r në Geba, ku Mikmac, ku Ayija, ku Bethel ku bɛ̈i thiääk në yen.

³² Anathoth, ku Nop, ku Anania,

³³ ku Ɣadhor, ku Rama, ku Gitiam.

³⁴ Ɣadid, ku Dheboim, ku Nebalat.

³⁵ Lod ku Ono, ku Wak de Atëët yic.

³⁶ Ku biäk thiin de kɔc ke Lebai ɣɔn cï rëër në aken de Juda nɔm, acï ke gäm kɔc ke dhiën ë Benjamin bïk rëër në keek.