Maika 2 - JAM DE NHIALIC 2011

Kë bï Kɔc ee Kɔc Kuanynyïïn Yɔŋ Yök

¹ Amawoou në kɔc ee kërac cät, kɔc ee kërac kiëët ke ke tɔ̈u piny ë biökken yiic, na lë ruu piny, ke ke loi kërɛɛcden cïk kiëët, në luɔi ril kek.

² Na cïk piɔ̈ɔ̈th dɛ duum, ke rumkï keek, na kɔɔrkï ɣööt, ke nömkï keek. Acïn baai ayï raan bïï ë kake poth.

³ Ago Bɛ̈nydït lueel an, “Piɛŋkï, wek ee kɔckë, wek luöi keek këtuc, kë cä wek weyiëth bï lëu në luny. Ka wek cïï bï bɛ cath ke we ɣɛ̈ɛ̈c wenïïm, në luɔi bï kek aa kööl rac arëët.

⁴ Në aköölkë, kɔc abïk week aa dɔl gup, ku ketkï week në din rɛɛcë an, ‘Wok cï ke riɔ̈ɔ̈k ë taitai! Piny de kɔckï acï kɔc tɛ̈k röt, ɣɛɛ! Acï nööm ë yic tëde wook oou! Ku tëk duumkuɔ kɔckuɔn ke ater!

⁵ Ku në baŋ de ee kënë, wek bï nïïm ciën raan bï piny tɛk në gɛk, raan bï nu në amatnɔm de kɔc ke Bɛ̈nydïtic.

⁶ Ku lëk ë kɔc Maika an, “Du ee cool ë köök wonïïm në cäär, ë jɔ loi yen cäär. Acïn riäŋ bï wo yök.

⁷ Duëër Bɛ̈nydït baai de Jakop luɛ̈l guöp ka cït ee kakë? Cï guöm de Wëi ke Bɛ̈nydït guɔ thök? Bɛ̈nydït ë yic duëër wook luöi ee kënë? Cï Bɛ̈nydït guɔ bäp? Bï kë cït ee kënë looi ë yic? Cie diɛɛr Go Bɛ̈nydït puk nɔm an, “Cie jamdï yen ee raan ee yic looi nhiëër?

⁸ Ku wek ee kɔckï mak cït kɔc ke ater. Kɔc tëk kueer ke ke cïï diɛɛr, kɔc lɔ bɛ̈n tɔŋ. Ku ayak keek yak kɔ̈ɔ̈th në lupɔɔ.

⁹ Wek ë diëër ke kɔckï cuɔp wei në ɣöötkɛn läk yiic. Ku kualkï athiɛɛidï tëde mïthken aɣet athɛɛr.

¹⁰ Ka week, jatkï röt jälkï, wek cï bï bɛ lɔ̈ŋ eenë taitai. Awänydun ë piny ë Yithriɛl riɔ̈ɔ̈k ë taiwei, ka cïï duëër kɔn bɛ piath.

¹¹ “Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

¹² Go Bɛ̈nydït lueel an, “Wek kɔc lik ke baai de Yithriɛl cï döŋ apïïr, wek bä määt yiic tëtök wedhie, abäk ciët thök nu kɛl, ku ciëtkï thök nyuäth në tɔ̈ɔ̈ric. Ka piny abï thiäŋ ke kɔc.

¹³ Bɛ̈nydït abï week liëp kueer, ku wɛt week biic. Ka wek bï jäl lak biic ke we cath në nɔm lääu. Ku Bɛ̈nydït meliŋdun abï lɔ tueŋ në wenïïm, ku wɛt week Yen guöpde.