Lebai 12 - JAM DE NHIALIC 2011

Lööŋ në Biäk de Diäär ë Piac Dhiëth.

¹ Na wën ke Bɛ̈nydït ë yöök Mothe an,

² “Lëkë kɔc ke Yithriɛl ee kënë: Na cï tik mɛwä dhiëëth, ka abï guöp dɛ acuɔl në nïn kadhorou. Cït man ye yen guöp dɛ acuɔl në nïn ee yen ke thek.

³ Ku në kööl ye akööl bɛ̈t mɛwä abï cueel.

⁴ Na ëlë abï jɔ dɛ nïn kathiërdiäk ku diäk të ŋoot en ke kën ë guɔ tɔ piath në biäk de riɛmdɛn cï kuëër. Yen acïï ke ɣeric ëbɛ̈n bï aa jak, ku acïï bï lɔ tëɣeric, agut akööl le ë acuɔlde thok thök.

⁵ Ku na acï mɛnh duet dhiëëth, ka abï guöp dɛ acuɔl në nïn kathiëër dhetem ku dhetem të ŋoot en ke kën ë guɔ tɔ piath në biäk de riɛmdɛn cï kuëër.

⁶ Ku të cï yen jɔ dhiëth ë mɛwä ku nɔn ee duet, ku nïnkɛn ke piath acïk jɔ thök, ke tiiŋ ë piac dhiëth abï miɔ̈c dhil bɛ̈ɛ̈i në Paany de Mätic. Abï nyɔɔŋ amääl ee ruöön tök gäm bɛ̈ny de kake Nhialic në paany de mät thok. Ke ye miɔ̈c ye nyop ëbɛ̈n, ku guuk ku nɔn ee ajiël de guuk ke ye miɔ̈c de kërac.

⁷ Abï bɛ̈ny de kake Nhialic jɔ teem guöp në Bɛ̈nydït nɔm, ago guöp piath, ke bï bɛ aa raan de Bɛ̈nydït. Ku ëtɛ̈ɛ̈n abï guöp jɔ piath në biäk de riɛmdɛn cï kuëër. Kakë ayek lööŋ në biäk de tiiŋ ë dhiëth mɛwä ku nɔn ë dhiëth duet.

⁸ Ku na cïï thɔ̈k bï lëu, ke aduëër guök kaarou bɛ̈ɛ̈i, ku nɔn yen ajiël ke guuk kaarou. Tök abï aa këde miɔ̈c ye nyop ëbɛ̈n, ku tök abï aa këde miɔ̈c de kërac. Ku bɛ̈ny de kake Nhialic abï tik jɔ teem guöp, ku abï guöp jɔ piath.