Kuɛ̈n 7 - JAM DE NHIALIC 2011

Miɔ̈c de Bäny

¹ Ku Mothe, në Kööl manë ë thöl en paany de mät në yïk, acï bɛ̈n tɔc, ku gëm Bɛ̈nydït kekë këriëëc tɔ̈u thïn ëbɛ̈n. Ku gɛm yïk aya kekë kake ëbɛ̈n.

² Go Bäny ke dhiëën ke Yithriɛl nu në kɔc nïïm Bɛ̈nydït miɔɔc, bäny ɣɔn kuen kɔc ëbɛ̈n

³ acïk Bɛ̈nydït bɛ̈n yiɛ̈n miɔ̈c në abëël ke jöŋgöör kadhetem athiäŋ, ku bïïkï thön kathiëër ku rou, dhiën ke thɔn, ku dhiën kaarou aake ye abël ë jöŋgöör rɔm. Agokï ke gam në paany de mät thok.

⁴ Go Bɛ̈nydït lɛ̈k Mothe an,

⁵ ‘Dɔm miɔ̈cden ke bï yïn luɔi de paany de mät looi. Ku ye keek gäm Lebai cït man ë ke kɔɔr ë luɔi de ŋɛk ë keyiic.

⁶ Go Mothe abëël ke jöŋgöör gäm Lebai, ku gëm keek miöör.

⁷ Go abëël ke jöŋgöör kaarou, ku miöör kaŋuan gäm wɛ̈ɛ̈t ke Gercon cït kë kɔɔr ë luɔiden.

⁸ Ku gëm wɛ̈ɛ̈t ke Merari abëël ke jöŋgöör kaŋuan, ku miöör kabɛ̈t cït kë kɔɔr ë luɔiden. Ku kë bïk looi ëbɛ̈n, abï Yithamar wën ë Aron lɛ̈k keek.

⁹ Ku acïn kë cï gäm wɛ̈ɛ̈t ke Koɣath, në biäk ye kek kaɣeriic döt, ka yek keek ɣääc në kɔc kët.

¹⁰ Ku bäny ke dhiën, aake cï miɔ̈c kɔ̈k bɛ̈ɛ̈i ayadäŋ ke ye miɔ̈c de dhuëëŋ gɛmë yïk. Agokï ke gäm Bɛ̈nydït.

¹¹ Go Bɛ̈nydït lɛ̈k Mothe an, “Ee bɛ̈ny tök yen abï miɔ̈cde aa gam në kööl tök ëbɛ̈n, miɔ̈c de gɛm ë yïk.”

^12-83 Ku kɔc aake gɛm miɔ̈cden në ye kueerë: Kööl Dhiën Bɛ̈ny Kööl tueŋ Juda Nacon wën ë Aminadab Kööl ë rou Yithakar Nethaniɛl wën ë Dhuwar Kööl ë diäk Dhebulun Eliap wën ë Ɣelon Kööl ë ŋuan Ruben Elidhur wën ë Ceduer Kööl ë dhïc Thimion Celumiel wën ë Dhuricadai Kööl ë dhetem Gad Eliathap wën ë Dewel Kööl ë dhorou Eparaim Elicama wën ë Amiɣud Kööl ë bɛ̈t Manatha Gamaliel wën ë Pedadhur Kööl ë dhoŋuan Benjamin Abidan wën ë Gidiɔni Kööl ë thiëër Dan Aɣidher wën ë Amicadai Kööl ë thiëër ku tök Acer Pagiel wën ë Wokran Kööl ë thiëër ku rou Naptali Aɣira wën ë Enan Ku miɔ̈cdɛn ë gɛmkï aaye aduŋ de ateek ye thëmde bɔt ku thiërdiäŋ ë cekel, ku abïny ateŋ lɔ bilbil ye thëmde cekel kathiërdhorou. Ku thëmden kaarou, alɔ gɔk, ku thiäŋ në aɣar lɔ mot, aɣar cï liääp ke miök ke ye miɔ̈c ë rap. Ku gɛm athän adhääp ye thëmde cekel kathiëër ke thiäŋ kekë kaŋïïr ye nyop. Ku gɛm miɔɔr atiëëk, ku ŋuɛn amääl, ku nyɔɔŋ amääl ee run tök ke ye miɔ̈c ye nyop ëbɛ̈n. Ku gɛm nyɔɔŋ bou ke ye miɔ̈c de awäc. Ku gɛm miöör kaarou, ku amɛ̈l kadhïc ke ke ye run tök, gɛm keek ke ye miɔ̈c de ŋiëc rëër.

Kööl Dhiën Bɛ̈ny

^84-88 Miɔ̈c ë gɛm ë bäny ke Yithriɛl ë biäk ë dhuëëŋ de gɛm ë yïk kï: — atɛ̈ɛ̈ny ke ateek kathiëër ku rou, ku abïïny ke ateek kathiëër ku rou, ku aduuk ke adhääp kathiëër ku rou. — ŋɛk në bänyiic kedhie aa gɛm abïny de ateek ye thëmde bɔt thiërdhorou, ku thëm de ateŋ ë gɛmë ëbɛ̈n aaye agum kaarou, ku bot kaŋuan ke cekel në thɛɛm lɔ gɔk, thɛɛm de luaŋ ë Nhialic. — aduuk ke adhääp ë gɛmë keek kathiëër ku rou, ke ke thiäŋ në wal ŋïïr ye nyop, thëmden ëbɛ̈n aaye bɔt ku thiërrou de cekel në thëm lɔ gɔk, them de luaŋ ë Nhialic. — gɛmkï miöör kathiëër ku rou, ku amɛ̈l kathiëër ku rou, nyök ke amɛ̈ldït kathiëër ku rou ke ke ye run tök, ku këcamden, kake kedhie ee kek ë ye miɔ̈c ye nyop ëbɛ̈n. Ku nyök bɔɔth kathiëër ku rou ke ye miɔ̈c de awäc. — gɛmkï miöör kathiërrou ku ŋuan, ku amɛ̈l kathiërdhetem, ku nyök bɔɔth kathiërdhetem ke ke ye miɔ̈c de ŋiëc rëër. Yen miɔ̈c de yïk ka, të ɣɔn cïï ye kɔn tɔc.

⁸⁹ Na wën, alɔ Mothe në paany de mätic, le jam kekë Bɛ̈nydït, ke piŋ röl ajam në kɛm ke cerubiim në akum de athänduŋ de mät nɔm. Go röl Mothe jääm.