Kuɛ̈n 33 - JAM DE NHIALIC 2011

Jäl paan ë Rip ke ke lɔ piny de Mowap

¹ Kakë ee rin ke ɣään ɣɔn cïï kɔcke Yithriɛl piɔ̈ɔ̈t, ɣɔn jël kek piny de Rip në dhiën thook kedhie, ke ke wɛt ë Mothe kekë Aron,

² na cïï Bɛ̈nydït, lueel ke Mothe yen aye të cï kek piɔ̈ɔ̈t thïn gɔ̈ɔ̈r.

³ Kɔc ke Yithriɛl bɔ̈ bei në Rip në kööl ee pɛɛi de tök thok thiëër ku dhïc në göl ë ruöön, kööl tueŋ de yen ee kööl ë dhuëëŋ tueŋ de Winythok. Ke ke göl ë Bɛ̈nydït acïk wun cɔl Ramethith ke ke woi kɔc ke Rip.

⁴ Ku kɔc ke Rip lɔ ke ke thiäk mïth kɛ̈i cïï Bɛ̈nydït nɔ̈k. Kë looi Yen ë kënë, Yen Bɛ̈nydït anyooth nɔn ril En awär yiëthke Rip.

⁵ Kɔc ke Yithriɛl Ramethith nyääŋ piny, ku lek piɔ̈ɔ̈tkï Thukoth.

⁶ Na lek jäl nyɔk ke ke lɔ nyuc Eetham, tɔ̈u të lɔ jɔ̈ɔ̈r thok biic.

⁷ Gokï röt bɛ dɔ̈k Pai Ɣaɣiroth, tɔ̈u në biäk të lɔ aköl amiäk ë Baal Dhepon, ku lek piɔ̈ɔ̈t ë Migdol lɔ̈ɔ̈m.

⁸ Ku nyiëëŋkï Pai Ɣaɣiroth piny, ku temkï Wɛ̈ɛ̈r thith kɔ̈u ke ke lɔ në jɔ̈ɔ̈r de Eetham, thölkï nïn kadiäk ku jɔkï bɛ̈n lɔ piɔ̈ɔ̈t Mara.

⁹ Ku ëtɛ̈ɛ̈n acïk bɛ̈n lɔ Elim yen të cïï kek piɔ̈ɔ̈t në biäk de yen yic nyïïn ke pïïu kathiëër ku rou, ku lɔ akööt kathiërdhorou ke tiim.

¹⁰ Na cïk Elim nyääŋ piny ke ke jɔ lɔ piɔ̈ɔ̈t në Abäpdit thith kɔ̈u.

¹¹ Ku bekï lɔ piɔ̈ɔ̈t jɔ̈ɔ̈r de Thin yic,

¹² ku bekï jäl ë jɔ̈ɔ̈r de Thin yic ku lek piɔ̈ɔ̈t Dopoka.

¹³ Na bekï jäl ë Dopoka ke ke lɔ piɔ̈ɔ̈t në Aluc

¹⁴ ku bekï lɔ Repidim, të cïn pïïu bïk.

^15-37 Jäl në Repidim ke ke lɔ kuur de Ɣor, acïk ɣään bɔ̈yë bɛ̈n piäät të cɔl jɔ̈ɔ̈r de Thinai, Kibroth Ɣataaba, ku (“Nɔn ee rɛ̈ŋ ke ŋɔ̈ɔ̈ŋ), Ɣadheroth, Rithma, Rimon Peredh Libna, Ritha, Keɣeliɣatha, kuur de Ceper, Ɣarada, Makɣeloth, Taɣath, Tera, Mithka Ɣacmona, Ɣotheroth, Bene Jaakan, Edhiongeber, Ɣor, Ɣagidegad, Jotbatha, Abrona, ku kuur de Dhin (ɣɔn cɔl Kadec) ku kuur de Ɣor tɔ̈u në aken de piny de Edom.

^38-39 Në jam de Bɛ̈nydït, go Aron bɛ̈ny de kake Nhialic lɔ në kuur de Ɣur nɔm, ku aye run bɔt ku thiërrou ku diäk 123, ku acï bɛ̈n lɔ thou ëtɛ̈ɛ̈n në kööl tueŋ de pɛɛi de dhïc në ruöön ë thiërŋuan, ɣɔn jiël kek paan ë Rip

⁴⁰ Na ɣɔn ke piŋ melik de Arad tɔ̈u në biäk de wöuwic de Kanaan, nɔn bïï ë kɔc ke Yithriɛl.

^41-49 Gɔl në kuur de Ɣur ale gut riaaŋ de piny ë Mowap, kɔc ke Yithriɛl cï piɔ̈ɔ̈t në ee ɣään bɔ̈yë yiic: Dhalmona, Punon, Oboth riääk de Abarim, në aken de Piny de Mowap ke Dibon Gad, Almon Diblathaim, kur ke Abarim thiääk në kuur ë Nebo, ku në riaaŋ de Mowapic lɔŋ de wɛ̈ɛ̈r de Jordan ke lɔŋ de Jeriko, në kaam ë Beth Jecimoth ke wak de Akacia.

Jiëëm ke ke kën wɛ̈ɛ̈r de Jordan teem

⁵⁰ Në riaaŋ de Mowapic lɔŋ de wɛ̈ɛ̈r de Jordan ke lɔŋ de Jeriko, Bɛ̈nydït ë Mothe gäm “Ë wël kë bïï ke lɛ̈k kɔc ke Yithriɛl an,

⁵¹ “Të cä wek wɛ̈ɛ̈r de Jordan teem ke we lɔ piny de Kanaan,

⁵² wek bï kɔc ceŋ ëtɛ̈ɛ̈n lɔ cuɔp biic kedhie, riäkkï kuurden ayï yiëth kɛn cïk deer kɔ̈th në joth, ku ɣäänkɛn ke läm.

⁵³ Ruömkï piny ku rɛ̈ɛ̈rkï thïn në biäk cän e gäm week

⁵⁴ Tɛ̈kkï piny ɣööt ku dhiën në deeny ë gɛk, ago biäkdït aa gäm dhiën dït, ku biäk koor ke dhiën koor, cït man ë täu ë dhiëënken.

⁵⁵ Ku na kɛ̈nkï kɔc ceŋ piny cuɔp wei kek kɔc bï döŋ thïn, abïk aa kɔc de gup akɔ̈ɔ̈k ku abïkï ciët kuɔɔth guut wenyïïn ku we yöth, ku abïk week aa luöi tɔŋ.

⁵⁶ Ku na cäkkï ke lɔ cuɔp wei ke wek bä riɔ̈ɔ̈k cït man cän e guiir bä keek riɔ̈ɔ̈k.