Kuɛ̈n 26 - JAM DE NHIALIC 2011

Kuɛ̈n Ye Kuɛ̈n Rou

¹ Na ɣɔn, acï jɔɔk thök, ke lëk ë Bɛ̈nydït Mothe kekë Eleyadhar wën Aron, bɛ̈ny de kake Nhialic an,

² “Kuɛnkï akutnɔm de kɔc ke Yithriɛl ëbɛ̈n, gɔl në mɛnh ee run thiërrou ku le nhial, kɔc lëu tɔŋ kedhie.

³ Go Mothe kekë Eleyadhar, bɛ̈ny de kake Nhialic, jam ke kɔc në Jeriko ë riaaŋ de Mowapic në wɛ̈ɛ̈r de Jordan yɔu lɔŋtui, lëkkï keek an,

⁴ “Kuɛnkï kɔc kedhie, gɔl në mɛnh ee run thiërrou ku le tueŋ. Cït man cïï Bɛ̈nydït ye lɛ̈k Mothe. Ku kɔc ke Yithriɛl ë bɔ̈ bei Rip kek kï:

⁵ Ruben, wën kɛ̈i de Yithriɛl, wɛ̈ɛ̈t ke ee Ɣanook yen ade baai de Ɣanook, ku Palu, yen ade baai de Palu.

⁶ Ku Ɣedheron yen ade baai de Ɣedheron. Ku Karemi yen ade baai de Karemi.

⁷ Kek bɛ̈i ke dhiën ë Ruben ka, ku Kuënden aaye aguum kathiërŋuan ku diäk ku bot kadhorou, ku thiërdiäk.

⁸ Ku mïth ke Palu ee Eliap

⁹ kekë wɛ̈ɛ̈t ke Eliap, yï Nemwɛl, kekë Dathan, ku Abiram. Dathan kekë Abiram kek aa kuɛ̈ny në akutnɔm de kɔc ke Yithriɛl ɣɔn. Gokï Mothe kekë Aron rɛɛc, ku mɛ̈tkï në kɔc ke Kɔra, ku göthkï në Bɛ̈nydït.

¹⁰ Go piny rɔt liep, ku tuiic keek. Agokï thou në Kɔra ëtök kekë kɔc mät në yen, të ɣɔn riëëk ë mac bot kaarou ku thiërdhïc de raan. Ago thonden kɔc ke Yithriɛl jɔ aa täk nïïm.

¹¹ Ku wɛ̈ɛ̈t ke Kɔra akënë keek bɛ̈n nɔ̈k.

¹² Bɛ̈i ke dhiën ë Thimion: Nemwɛl yen ade baai de Nemuɛl. Ku Yamin yen ade Baai de Yamin, ku Yacin, yen ade baai de Yacin.

¹³ Ku Dhera yen ade baai de Dhera. Ku Caul yen ade baai de Caul.

¹⁴ Kek bɛ̈i ke dhiën ë Thimion ka. Kuënden aaye aguum kathiërrou ku rou, ku bot kaarou.

¹⁵ Bɛ̈i ke dhiën ë Gad kï: Dhepon yen ade baai de Dhepon. Ku Ɣagi yen ade baai de Ɣagai. Ku Cuni yen ade baai de Cuni.

¹⁶ Ku Odheni yen ade baai de Odheni. Ku Eri yen ade dhiën de Eri.

¹⁷ Ku Arod yen ade baai de Arod. Ku Areli yen ade dhiën de Areli.

¹⁸ Kek bɛ̈i ke dhiën ë Gad ka. Ku kuënden aaye aguum kathiërŋuan ku bot kadhïc.

¹⁹ Ku wɛ̈ɛ̈t ke Juda ee Er kekë Onan. Ku keek kaarou thou piny ë Kanaan.

²⁰ Ku bɛ̈i ke wɛ̈ɛ̈t ke Juda kï: Cela yen ade baai de Cela. Ku Peredh yen ade baai de Peredh. Ku Dhera yen ade baai de Dhera.

²¹ Ku wɛ̈ɛ̈t ke Peredh ee Ɣedheron ku yen ade baai de Ɣedheron, ku Ɣamul yen ade baai de Ɣamul.

²² Kek bɛ̈i ke dhiën ë Juda ka. Ku kuënden aaye aguum kathiërdhïc ku dhetem, ku bot kadhïc.

²³ Ku bɛ̈i ke wɛ̈ɛ̈t ke Yithakar kï: Tola yen ade baai de Tola, ku Puba yen ade baai de Puba.

²⁴ Ku Yacup yen ade baai de Yacup. Ku Cimron yen ade baai de Cimron.

²⁵ Kek bɛ̈i ke dhiën ë Yithakar ka. Ku kuënden aaye aguum kathiërdhetem ku diäk ku bot kadiäk.

²⁶ Ku bɛ̈i ke wɛ̈ɛ̈t ke Dhebulun kï: Thered yen ade baai de Thered. Ku Eelon yen ade baai de Eelon. Ku Jaɣeel yen ade baai de Jaɣeel.

²⁷ Kek bɛ̈i ke dhiën ë Dhebulun ka. Ku kuënden aaye aguum kadhetem ku bot kadhïc.

²⁸ Ku bɛ̈i ke wɛ̈ɛ̈t ke dhiën ë Jothep kï: Manatha kekë Eparaim.

²⁹ Ku wɛ̈ɛ̈t ke dhiën ke Manatha ee Makir yen ade baai de Makir. Ku yen aye wun Giliyad. Ku Giliyad yen ade baai de Giliyad.

³⁰ Ku kakë ee wɛ̈ɛ̈t ke Giliyad, Yedher yen ade baai de Yedher. Ku Ɣelek, yen ade baai de Ɣelek.

³¹ Athriel yen ade baai de Athriel. Ku Cekem yen ade baai de Cekem.

³² Ku Ɣeper yen ade baai de Ɣeper.

³³ Ku Dhelopad wën ë Ɣeper acïn wɛ̈ɛ̈t ë cï dhiëëth ee duet kapäc, ku duetke ee Mala, ku Nowa, ku Ɣogla, ku Milka, ku Tirdha.

³⁴ Kek bɛ̈i ke Manatha ka. Ku kuënden aaye aguum kathiërdhïc ku rou, ku bot kadhorou.

³⁵ Ku bɛ̈i ke wɛ̈ɛ̈t ke Eparaim kï: Cuthela yen ade baai de Cuthela. Ku Beker yen ade baai de Beker. Ku Taɣan yen ade baai de Taɣan.

³⁶ Ku kakë ee wɛ̈ɛ̈t ke Cuthela, Aran yen ade baai de Aran.

³⁷ Kek bɛ̈i ke wɛ̈ɛ̈t ke Eparaim ka. Ku kuënden aaye aguum kathiërdiäk ku rou ku bot kadhïc. Kek bɛ̈i ke wɛ̈ɛ̈t ke Jothep ka.

³⁸ Ku bɛ̈i ke wɛ̈ɛ̈t ke Benjamin kï: Bela yen ade baai de Bila. Ku Acebel yen ade kɔc de Acebel. Ku Aɣiram yen ade baai yen ade dhiën de Aɣiram.

³⁹ Ku Cepupam yen ade baai de Cepupam ku Ɣupam yen ade baai de Ɣupam.

⁴⁰ Ku wɛ̈ɛ̈t ke Bila ee Arad kekë Naaman. Ku Arad yen ade baai de Arad.

⁴¹ Kek bɛ̈i ke wɛ̈ɛ̈t ke Benjamin ka. Ku kuënden aaye aguum kathiërŋuan ku dhïc, ku bot kadhetem.

⁴² Bɛ̈i ke wɛ̈ɛ̈t ke Dan kï: Cuɣam yen ade baai de Cuɣam. Kek bɛ̈i ke wɛ̈ɛ̈t ke Dan ka.

⁴³ Ku kuën de bɛ̈i ke Cuɣam kedhie ye aguum kathiërdhetem ku ŋuan, ku bot kaŋuan.

⁴⁴ Ku bɛ̈i ke wɛ̈ɛ̈t ke Acer kï: Yimena yen ade baai de Yimena. Ku Yicibi yen ade baai de Yicibi. Ku Beriya yen ade baai de Beriya.

⁴⁵ Ku bɛ̈i ke wɛ̈ɛ̈tke Beriya kï: Ɣeber yen ade baai Ɣeber. Ku Malciel yen ade baai de Malciel.

⁴⁶ Ku nyan Acer acɔl Thera.

⁴⁷ Kek bɛ̈i ke wɛ̈ɛ̈t ke Acer ka. Ku kuënden aaye aguum kathiërdhïc ku diäk ku bot kaŋuan.

⁴⁸ Ku bɛ̈i ke wɛ̈ɛ̈t ke Naptali kï: Jadhiil yen ade baai de Jadhiil. Ku Guni yen ade baai de Guni.

⁴⁹ Ku Yedher yen ade baai de Yedher. Ku Cilem yen ade baai de Cilem.

⁵⁰ Kek bɛ̈i ke wɛ̈ɛ̈t ke Naptali ka. Ku kuënden aaye aguum kathiërŋuan ku dhïc, ku bot kaŋuan.

⁵¹ Yen kuën de kɔc ke Yithriɛl kedhie. Aake aye bot agum kadhetem ku tök, ku bot kadhorou ku thiërdiäk.

⁵² Go Bɛ̈nydït lɛ̈k Mothe an,

⁵³ “Tɛ̈kkë dhiëën ke Yithriɛl piny bï aa këden, ye ŋɛk gäm piny rɔ̈ŋ ke yen.

^54-56 Gämë dhiën dït piny lääu, ku gämë dhiëën kor piny koor rɔ̈ŋ ke keek. Tɛ̈kkë keek në deeny de gɛk. Tɛ̈kkë dhiëën dït piny dït në gɛk, ayï dhiëën kor tɛ̈kkë keek aya në gɛk.

⁵⁷ Kek bɛ̈i ke Lebai ë kuen kï: Gercon yen ade baai de Gercon. Ku Koɣath yen ade baai de Koɣath. Ku Merari yen ade baai de Merari.

⁵⁸ Ku bɛ̈i ke wɛ̈ɛ̈t ke Lebai kï: baai de Libni, ku baai de Ɣebron, ku baai de Mali, ku baai de Muci, ku baai de Kɔra. Ku Koɣath yen aye wun Amiram.

⁵⁹ Ku tiiŋ de Amiram acɔl Jɔkebed nyan ë Lebai ɣɔn dhiëëth në Rip. Ku ee yen aa dhiëëth Mothe kekë Aron, Ku Miriam nyankënëden.

⁶⁰ Go Aron wɛ̈ɛ̈t kaŋuan dhiëëth: Nadap kekë Abiɣu, ku Eleyadhar, ku Yithamar.

⁶¹ Go Nadap thou kekë Abiɣu wään gɛm kek many cïï yic ɣer në Bɛ̈nydït nɔm.

⁶² Ku kuën de kɔc ke Lebai gɔl në mɛwä ee pɛɛi tök ku leer tueŋ aaye aguum kathiërrou ku diäk. Aake kuen keek pei të cïn kɔc ke Yithriɛl kɔ̈kë, në biäk cïn en piny cï gäm keek.

⁶³ Kek kɔc ë kueen ë Mothe keek ka kekë Eleyadhar bɛ̈ny de kake Nhialic. Akuenkï keek në jɔ̈ɔ̈r de Mowapic në ë wɛ̈ɛ̈r de Jordan nɔm lɔɔk në Jeriko.

⁶⁴ Ku në keyiic, acïn raan töŋ ë kuɛɛn në keyiic, raan ɣɔn cïï Mothe kɔn kueen kekë Aron në jɔ̈ɔ̈r de Thinai.

⁶⁵ Aa cïï Bɛ̈nydït guiir nɔn bï kek thou në jɔ̈ɔ̈ric kedhie. Acïk bɛ̈n thou abï cïn raan töŋ dɔ̈ŋ, ee Kalep wën ë Jepuna kekë Jocua wën Nun kek aa dɔ̈ŋ kapäc.