Kuɛ̈n 2 - JAM DE NHIALIC 2011

Kïït de Piɔ̈ɔ̈t ë Dhiën

¹ Go Bɛ̈nydït lɛ̈k Mothe kekë Aron an,

² Yak kɔc ke Yithriɛl tɔ piäät ke ke geeu paany de mät piny ke ke mɛ̈ɛ̈c në yen. Ku ŋɛk ë ye piɔ̈ɔ̈t në kut de dhiëndenic, në beer de baaiden lɔ̈ɔ̈m.

^3-9 Amatnɔm de dhiën ë Juda ë piäät në paany lɔ̈ɔ̈m baŋ të lɔ aköl amiäk, aake tɔ̈u në bänyken cök alë Dhiën Bɛ̈ny Kuën Juda Nacon wën ë Aminadab 74,600 Yithakar Nethaniɛl wën ë Dhuwar 54,400 Dhebulun Eliap wën ë Ɣelon 57,400 186,400 Dhiën ë Juda yen abï kɔn wat tueŋ në kɔc nïïm.

Dhiën Bɛ̈ny Kuën

^10-16 Dhiën ë Ruben ë piäät në paany lɔ̈ɔ̈m baŋ të lɔ wöuwic alë Dhiën Bɛ̈ny Kuën Ruben Elidhur wën ë Ceduer 46,500 Thimion Celumiel wën Dhuricadai 59,300 Gad Eliathap wën ë Rewel 45,650 151,450 Dhiën ë Ruben kek abï ya amatnɔm de rou bï wat.

Dhiën Bɛ̈ny Kuën

¹⁷ Ku ëtɛ̈ɛ̈n, Lebai abïk jɔ wat në paany de mät ëtök në kɛm ke dhiën. Ku abïk aa cath ke ke cï röt kiëët cït ee mandɛnë. Ŋɛk tëde në dhiëndenic.

^18-24 Ku amatnɔm de dhiën ë Eparaim ë piäät në paany lɔ̈ɔ̈m baŋ të lɔ aköl athɛ̈i në beerden, ku në bänyken cök alë: Dhiën Bɛ̈ny Kuën Eparaim Elicama wën ë Amiɣud 40,500 Manatha Gamaliel wën ë Pedadhur 32,200 Benjamin Abidan wën ë Gidiɔni 35,400 108,100 Ku dhiën ë Eparaim ee kek abï ya amatnɔm ee kek diäk bï wat.

Dhiën Bɛ̈ny Kuën

^25-31 Ku amatnɔm de dhiën ë Dan ë piäät në paany lɔ̈ɔ̈m baŋ të lɔ rut në beerden, ku në bänyken cök alë: Dhiën Bɛ̈ny Kuën Dan Aɣidher wën ë Amicadai 62,700 Acer Pagiel wën Wokran 41,500 Naptali Aɣira wën ë Enan 53,400 157,600 Dhiën ë Dan ee kek abï kɔc aa thïk cök ciëën.

Dhiën Bɛ̈ny Kuën

³² Kek kɔc ke Yithriɛl ë kuen keek ka në ɣöötken thook. Ku kɔc ke wut kedhie, kuënden aaye bot kadhetem ke agum ku diäk, ku bot kadhïc ku thiërdhïc.

³³ Ku Lebai akënë keek bɛ̈n kueen në Yithriɛl ëtök, cït man cïï Bɛ̈nydït ye lɛ̈k Mothe.

³⁴ Go kɔc ke Yithriɛl këriëëc cï Bɛ̈nydït lɛ̈k Mothe looi ëbɛ̈n. Gokï aa piɔ̈ɔ̈t akuut, ku kuëthkï në abeer cï kiëët në dhiën ku ɣööt.