Kuɛ̈n 12 - JAM DE NHIALIC 2011

Miriam Aluiyë Këtuc.

¹ Miriam kekë Aron acïk Mothe bɛ̈n jääm guöp në ke cï yen thiëëk në nyan ë Kuc. Tiiŋ ë Mothe aaye nyan ë Kuc.

² Gokï lueel an, “Ee Mothe yetök yen ee jam ë Bɛ̈nydït guiir? Na wook ayadäŋ cuku jamde duëër guiir? Mothe? Kën jam aya në kueer Go Bɛ̈nydït jamden piŋ.

³ Ku Mothe aaye raan ee rɔt kuɔɔr piny arëët. Acïn raan ee rɔt kuɔɔr piny duëër kït ke yen në pinynɔm ëbɛ̈n.

⁴ Go Bɛ̈nydït lɛ̈k Mothe, kekë Aron, ku Miriam ëthiäu an, “Bäkï bei wedhie wadiäk, lakï në paany de mät thok.

⁵ Go Bɛ̈nydït bɛ̈n piny në mën de piööl ë luätic, ku kɛ̈ɛ̈c në paany thok ëgök, ku cɔɔl Aron kekë Miriam. Gokï lɔ tueŋ kaarou.

⁶ Go lɛ̈k keek an, “Piɛŋkï jamdï, tëde yen tiët nu ë weyiic, yɛn ee rɔt nyuöth en në nyuuth, ku nyuöth.

⁷ Ku acä ye looi aya të jaam Ɛn wokë awundiën Mothe, acä tääu në kɔckï nïïm kedhie.

⁸ Të jiɛɛm wok, wok ee wothook tuööm, ku jamku në ka yökiic, acie kën muɔɔny, ka acï tɔ̈u de Bɛ̈nydït tïŋ. Ka eeŋö tɔ week jiëëm awundiën Mothe guöp ke wek cïï gup riɔ̈c?

⁹ Go Bɛ̈nydït piɔ̈u diu ke keek, ku nyiëëŋ ke piny jël.

¹⁰ Go luät jäl në paany thok, ku dɔ̈ŋ Miriam ke kääc ke cï aa biöör ke wɛth, ka cï cït alath. Na wën, aa puk Aron rɔt ke tïŋ Miriam acï wɛth dɔm.

¹¹ Go lɛ̈k Mothe an, “Yïn läŋ bɛ̈ny, duk wook lui këtuc në biäk de kërɛɛc ë dhɔ̈ɔ̈n cuk wööcë.

¹² Duk Miriam tɔ cït ke ë dhiëth ke cï thou, ku cï rïïŋdɛn biäk cuet.

¹³ Go Mothe Bɛ̈nydït lɔ̈ŋ an, “Yïn läŋ Nhialic, tɔ dem.

¹⁴ Go Bɛ̈nydït lɛ̈k Mothe an, “Na ë cïï wun en ŋuööt nyin, cïï guöp duëër riɔ̈ɔ̈c në nïn kadhorou? Takï leerë wut këc biic ë lɔ rëër në nïn kadhorou, ku bäk jɔ bɛ̈ɛ̈i ciëën.

¹⁵ Go Miriam lɛɛr roor wut këc në nïniic kadhorou, ku rɛɛr wut ë të töŋë abï kɔn puɔ̈k nɔm wut.

¹⁶ Ku jɔkï bɛ̈n kuëëth Ɣadheroth lek piɔ̈ɔ̈t në jɔ̈ɔ̈r ë Paran.