Kuɛ̈n 1 - JAM DE NHIALIC 2011

Kuɛ̈n Tueŋ de Yithriɛl

¹ Bɛ̈nydït acï jam kekë Mothe në Paany de mät thok, në jɔ̈ɔ̈r de Thinai, në kööl ye pɛɛi de rou thok tök në ruöön ye run ke Yithriɛl rou të ɣɔn jël kek ë Rip, go jɔ lɛ̈k Mothe an,

² “Kuen akutnɔm de kɔc ke Yithriɛl kedhie në dhiënken, ku ɣöötken. Gɔ̈ɔ̈r röör rin kedhie.

³ Gäärkï kɔc rin kedhie wekë Aron, raan ëbɛ̈n raan ee run thiërrou ku lee tueŋ, kɔc lëu tɔŋ gäärkï keek.

⁴ Ku bɛ̈ny de dhiën në dhiën thook kedhie, abïk week aa kuɔny.”

^5-16 Ku rin ke bäny bï keek aa kuɔny kï. Kɔc ë kuënyë bei në akutnɔm de kɔc ke Yithriɛl ke ke ye bänyken. Ee kek aaye bäny ke dhiëën ke Yithriɛl. Dhiën Bɛ̈ny de dhiën Ruben Elidhur wën ë Ceduer Thimion Celumiel wën ë Dhuricadai Juda Nacon wën ë Aminadab Yithakar Nethaniɛl wën ë Dhuwar Dhebulun Eliap wën ë Ɣelon Eparaim Elicama wën ë Amiɣud Manatha Gamaliel wën ë Pedadhur Benjamin Abidan wën ë Gidiɔni Dan Aɣidher wën ë Amicadai Acer Pagiel wën ë Wokran Gad Eliathap wën ë Dewel Naptali Aɣira wën ë Enan

Dhiën Bɛ̈ny de dhiën

¹⁷ Ago Mothe kekë Aron kɔc cï kuanyë jɔt,

¹⁸ Ku cɔlkï akutnɔm de Yithriɛl ëbɛ̈n, në kööl ye pɛɛi de rou thok tök. Ku gäärkï kɔc rin në dhiën ku në ɣööt. Agokï rin ke kɔc ke Yithriɛl gɔ̈ɔ̈r kedhie, gɔl në mɛwä cï run aa thiërrou ku lee tueŋ.

¹⁹ Cït man cïï Bɛ̈nydït ye lɛ̈k Mothe. Agokï keek kueen në jɔ̈ɔ̈r de Thinai yic.

^20-46 Raan ëbɛ̈n cï run aa thiërrou ku lee tueŋ, mony lëu tɔŋ biök yen aa gäär rin në dhiënken thook alɔ gut bɛ̈iken, gɔl në dhiën ë Ruben, kɛ̈i de Yithriɛl, kuɛ̈nden aa tɔ̈u alë: Dhiën Kuën Ruben aaye 46,500 Thimion aaye 59,300 Gad aaye 45,650 Juda aaye 74,600 Yithakar aaye 54,400 Dhebulun aaye 57,400 Eparaim aaye 40,500 Manatha aaye 32,200 Benjamin aaye 35,400 Dan aaye 62,700 Acer aaye 41.500 Naptali aaye 53.400 Kuënden ëbɛ̈n: 603,550

Dhiën Kuën

⁴⁷ Ku dhiën ë Lebai akënë bɛ̈n kueen kekë dhiëën ke Yithriɛl.

⁴⁸ Në biäk ë cïï Bɛ̈nydït ye lɛ̈k Mothe an,

⁴⁹ “Të kuɛɛn wek kɔc ke Yithriɛl, ke du dhiën ë Lebai kuen ke keek ëtök.

⁵⁰ Gämë Lebai luɔi de Paany ë mät kekë kakɛn tɔ̈u thïn kedhie. Ee kek abï Paany aa döt, ku yek piɔ̈ɔ̈t ke tookkï.

⁵¹ Ku të kuɛ̈ɛ̈th wek, Lebai abïk Paany de mät aa dɔ̈k, ku lek piäät piny të la wek piɔ̈ɔ̈t thïn. Ku raan däŋ pei të cïn Lebai, raan lɔ lɔ në paany lɔ̈ɔ̈m, ke näk.

⁵² Ku në kɔc ke Yithriɛl ë ke ye piɔ̈ɔ̈t në dhiën: dhiënë në beerden thar.

⁵³ Ku në Lebai ë ke ye piɔ̈ɔ̈t ke ke took Paany de mät, ke agönh ë Bɛ̈nydït ë cïï akutnɔm de kɔc ke Yithriɛl bï riɔ̈ɔ̈k.

⁵⁴ Go kɔc ke Yithriɛl këriëëc cïï Bɛ̈nydït lɛ̈k Mothe looi ëbɛ̈n.