Kɛ̈ŋ 9 - JAM DE NHIALIC 2011

Pɛlënɔm ku Dhɔ̈ɔ̈n

¹ Pɛlënɔm acï luaŋde thöl në yïk, ku tɛ̈ɛ̈u mënke.

² Acï dhuëëŋde looi, ago weŋ nɔ̈k, ku nööm rïŋ kekë mɔ̈u ku tɛ̈ɛ̈u keek ë pam nɔm.

³ Ku tooc duet wutic lek kɔc cɔɔl an,

⁴ “Takï kɔc cïn kë ŋickï bɔ̈!” Ayï dhän lɛ̈k keek an,

⁵ “Bäkï, lak cuɛ̈tkï në rïïŋdɛn cï thaal, ku dɛ̈kkï në mɔ̈n cï dhiim.”

⁶ Go pɛlënɔm lueel an, “Pälkï pial ë piɔ̈ndun, ke we bï pïïr, ku cathkï në kueer ë yöŋ de käŋic.”

⁷ Raan ëbɛ̈n, raan ee kɔc ee kɔc geet gup nyuööth, ka ye rɔt kɔ̈ɔ̈r abiaan ë guöp. Ku raan ëbɛ̈n, raan ee raan ee kërac looi nen, ka yë rɔt yɔ̈k tɔ̈ɔ̈k ë piɔ̈u.

⁸ Du raan ee kɔc geet gup ee jɔ̈ɔ̈ny, abï yïn maan guöp. Ku na jäny raan pelnɔm ka bï yïn nhiaar.

⁹ Wɛ̈ɛ̈të raan pelnɔm, ke bï pɛlënɔmde ŋuakic, ku wɛ̈ɛ̈të raan ɣer piɔ̈u, ke bï wëët.

¹⁰ Riëëu rïïu ë raan Bɛ̈nydït, yen aye göl de pɛlënɔm. Të ŋic yïn Nhialic töŋ ɣeric, ke yïn bï dɛ yöŋ de käŋic.

¹¹ Të le yïn kueerdï kuanyic, ke yïn bï pïïr në run juëc.

¹² Të pel yïn nɔm, ke pɛlënɔm abï ya riöpdu. Ku na ye raan ee kɔc geet gup, ke yïn yïtök yïn abï gum.

¹³ Dhɔ̈ɔ̈n acït tiiŋ ee yeröl jat nhial, akën wëët, akuc käŋ, ku acie yäär,

¹⁴ Yen ë nyuc ë thööc nɔm në ɣönde thok të thöny wutic cil.

¹⁵ Ke cɔl kɔc tëk ë kuɛɛriic, ke ke cath ë cäthden.

¹⁶ Alëk kɔc cïï nïïm ee tiëër an, “Na de kɔc piɔl piɔ̈ɔ̈th ë ke bɔ̈ ɣöndï ëtënë.”

¹⁷ “Pïïu ë kual apiɛthkï, këcam cam ke thian amit.”

¹⁸ Acïn këthiin ŋickï nɔn nu thuɔɔu ëtɛ̈ɛ̈n. Kamaanke acïk ɣet ë piny thar ya, paan ë thuɔɔu.