Kɛ̈ŋ 26 - JAM DE NHIALIC 2011

¹ Dhuëëŋ acïï rɔ̈ŋ ke raan piɔl piɔ̈u, acït nɔn cïï deŋ ee röŋ ke tuɛny mɔ̈i.

² Aciɛɛn ciën kë ye nɔm en, ee cath ë yomic cït din gɔ̈ɔ̈r cïn të nyuuc en.

³ Waat ee këde muul, ku ye joth këde jöŋgöör, ku dui de thieec ee këde raan piɔl piɔ̈u.

⁴ Du kë lueel raan piɔl piɔ̈u ee bɛ̈ɛ̈r në kueer nhiɛɛr, ke yï cïï bï ciët en.

⁵ Ye wël ke raan piɔl piɔ̈u bɛ̈ɛ̈r në jäny, ke cïï bï lueel nɔn pel en nɔm.

⁶ Leer ë thön ë raan piɔl piɔ̈u acït tɛ̈m ë riöp ku ee riäŋ cïï raan kɔ̈ɔ̈r rɔt.

⁷ Kääŋ lueel ë raan piɔl piɔ̈u ee ciët cöök cï dhuɔɔŋ cïn kë ye kuöny raan.

⁸ Raan lec raan piɔl piɔ̈u acït duut ë tɔɔŋ në kötic.

⁹ Kääŋ lueel ë raan piɔl piɔ̈u ee ciët raan cïï mɔ̈u wit kol kou në yecin.

¹⁰ Luui de raan piɔl piɔ̈u ku nɔn ee raan cath tei, ke yïn cït kë cï tɔŋ dɛɛny në kɔciic.

¹¹ Jö ee rɔt dak ë ŋɔkke yiic, ku yen ee tän ë raan piɔl piɔ̈u, ee pialëpiɔ̈u ŋak.

¹² Aŋuɛ̈ɛ̈n ë raan piɔl piɔ̈u në raan ee rɔt tïŋ cït kë pel nɔm.

¹³ Aye adaakrɔt lueel an, “Köör cï wäth anu biic.

¹⁴ Adaakrɔt ee rɔt pɔ̈ɔ̈k ë biöök nɔm ke cït athïn ke yom.

¹⁵ Kuïn ë adaakrɔt ee dhal në luɔi jɔt en en ë yethok.

¹⁶ Adaakrɔt ee rɔt tïŋ ke wär nööŋ ke wut kabɛ̈t.

¹⁷ Raan agönh mɛɛn yök ku nyuel rɔt thïn ee ciët raan ee jöŋ lɛɛn cath tïŋ ku dɔm yïth.

^18-19 Raan ee mɛth tɔ ye këde thuëëc, acït amiɔ̈l muk ka ye ke tɔɔŋ thɔ̈ɔ̈r aköölkë.

²⁰ Liu de amantum agööth ayek kɔ̈ɔ̈c, cït man na cïn tiim mac ee liu.

²¹ Cït man ë cool kekë atiap, ku tiim kekë mac, yen ee täu de raan ee wël caath agööth ŋuak nyïïn.

²² Wël ke tuum anhiaar kɔc kɔ̈k keek, ayek ke tääu në ke yäc cït liëŋ de kuïn mit.

²³ Mɔ̈ny de män në piath ë thok, Mɔ̈ny de män në piath ë thok acït töny cï giit kɔ̈u acït töny cï guet kɔ̈u biic në ateek.

²⁴ Raan de yic aguuk amit thok të jiɛɛm en ku cï yänyde thiäŋ kekë mɛth.

²⁵ Na cak ka ye lueel piath, ke du gam, yänyde athiäŋ ke karɛc cï ɣet ë bɛ̈t.

²⁶ Na ciɛk mände kuöm piny në jam de ruëëny, ke karɛcke abïk ŋoot ke ke nyoothë në amatnɔm yic.

²⁷ Raan ee pul wɛ̈c raan däŋ, yen ee löny thïn, ku raan ee kuur lɔ̈ɔ̈r raan däŋ, ee rɔt dɔ̈k en.

²⁸ Piath de thok de yic wël lueth ee män ee kënë tëde raan pïŋ ku ee riääk bɛ̈ɛ̈i.