Kɛ̈ŋ 24 - JAM DE NHIALIC 2011

Jam de Thiëër ku Dhoŋuan

¹ Ë yï cïï piɔ̈u näk bä rëër we kɔc ee karɛc looi

² në luɔi ye piɔ̈ɔ̈thken tɔɔŋ cät, ku jam liëpken në ka bïk riɔ̈ɔ̈k.

Jam de Thiërrou

³ Ɣööt aye ke yïk në këërkëër de pɛlënɔm ku ŋïnydekäŋ.

⁴ Të de yic ŋïnydekäŋ ee thiäŋ në kaläk tuc ë ɣööcden.

Jam de Thiërrou ku Tök

⁵ Raan pelnɔm aril arëët awär raan ril ë guöp, ku ŋuak riɛl në ŋïnydekäŋ.

⁶ Tɔŋ ee kïït kɔɔr ku bɔ̈ tiëm në jiëëm piɛth.

Jam de Thiërrou ku Rou

⁷ Pɛlënɔm ee këdïït thiëk tëde raan piɔl piɔ̈u, ka ye röördït kiëët acïï keek ë bɛ̈ɛ̈r.

Jam de Thiërrou ku Diäk

⁸ Raan de kiɛɛr rac aye ŋic ke ye raan de guöp akɔ̈ɔ̈k.

⁹ Kiɛɛr ë pial ë piɔ̈u awäc, ku agɛɛt ë guöp ee kërɛɛcdïït mɛɛn kɔc.

Jam de Thiërrou ku Ŋuan

¹⁰ Bäp de piɔ̈u në kööl ë nuɛɛn ee ciën riɛl nyuɔɔth.

Jam de Thiërrou ku Dhïc

¹¹ Du bäp në luääk de raan lee nɔ̈k ke kur ke cïn kë cï wööc.

¹² Na lueel en an, acïn kë ŋiɛc në biäk de ee kënë, ku cie Nhialic Raan wën ee kɔc thɔ̈ɔ̈ŋ piɔ̈ɔ̈th ku Yen muk wëiku, cie Yen ŋic yïn ku woi yï? Cïï raan ëbɛ̈n bï gäm ariöp rɔ̈ŋ ke luɔide?

Jam de Thiërrou ku Dhetem

¹³ Mɛnhdï, cam miök de kiëc, apiɛth ke yïguöp ku ee miɛt ë raan thok,

¹⁴ yen acït piath ë pɛlënɔm tëde pïïr ë raan, na yök en ke aŋäthdu acïn kë bï ye kɔn teem kɔ̈u.

Jam de Thiërrou ku Dhorou

¹⁵ Du rɔt bï tɔ cït kɔc ee karɛc looi ee kɔc piɛthpiɔ̈ɔ̈th buuth në ɣöötken kut ku rumkï bɛ̈iken.

¹⁶ Të ciɛk kɔc piɛthpiɔ̈ɔ̈th wïïk raanbɛ̈t ayek röt jɔt, ku na kɔc ee karɛc looi aye riääk ke jäp piny.

Jam de Thiërrou ku Bɛ̈t

¹⁷ Du dɔl të cïï raan aterdu löny, du piɔ̈u kɔn lɔyum të cïï en kɔ̈th,

¹⁸ ke Bɛ̈nydït cïï piɔ̈u bï riääk ke yïn, ku nyiɛɛi agönhde tëde yen.

Jam de Thiërrou ku Dhoŋuan

¹⁹ Në yï cïï piɔ̈u näk në kake kɔc ee karɛc looi.

²⁰ Acïnkï nïïm aŋäth, abïk lɔ dum piny cït many cï nɔ̈k.

Jam de Thiërdiäk

²¹ Ye Bɛ̈nydït riëëu kekë bäny ke piny nɔm mɛnhdï, ë cïn këdu yic thïn wekë kɔc ee ke rɛɛc thook.

²² Eeŋa ŋic riäŋ duëër ë Nhialic ku nɔn yen bɛ̈ny luöi keek? Aduëërkï nyïïn riäär ëthiäu.

Jiɛɛm kɔ̈k ke Pɛlënɔm

²³ Käkë ayadäŋ ayek jiɛɛm ke kɔc pel nïïm. Riëëu de guöp të guiirë löŋ acïï piɛth.

²⁴ Bɛ̈ny ee raan cï wäc kony an kën wäc, aye wuöt cieen ku juöör ëbɛ̈n.

²⁵ Ku bäny ee kɔc cï wäc luöi këtuc, abïk rin piath ku abïk athiɛɛi yök.

²⁶ Bëër në wël yith, kek ee määth lɔgɔk nyuɔɔth.

²⁷ Nom puur ku jɔ ɣöndu bɛ̈n cak.

²⁸ Du raan däŋ ciëk thok baaŋ, du liemdu ee tɔ ye këde mɛth.

²⁹ Du lueel an, “Yɛn bï kërac cool nɔm cït man cïï yen ë luöi ɛn!”

³⁰ Yɛn aa tëk dom de raan adaakrɔt cie tak.

³¹ Acïï kuɔɔth röt jɔt thïn ëbɛ̈n, ku acïï wal thiɔ̈ɔ̈ŋic, kaldɛn ë cïï ye geeu acï wïïk.

³² Na wën acä yapiɔ̈u tääu në ka cä tïŋiic, yɛn cï wëët.

³³ Të lueel ë raan en an, “Takï ya yök ke ya tɛ̈ɛ̈c akɔ̈u tëthiinakäŋ, ku gap kaarou ke nïn.

³⁴ Ku yen të niin en, abï kuɛɛny de nyin ë ciën käŋ ye jɔ mɔɔk piny ëthiäu cït man ë cuɛ̈r ee käŋ rum.