Kɛ̈ŋ 18 - JAM DE NHIALIC 2011

¹ Raan ee rɔt pɔ̈c bei, anhiaar kë kɔɔr ë piɔ̈nde, ku ee kë ye kɔc tïŋ ke ye yic rɛɛc.

² Raan piɔl piɔ̈u acie diɛɛr në kë bï yökic, ee luɛl në kë ye tak yen anhiɛɛr.

³ Luɔi de kërac ee biɔ̈n bɛ̈ɛ̈i, ku biɔɔth ayäär.

⁴ Jam de raan acït pïïu nu yiith, ku awaŋ de pɛlënɔm acït kuëër de pïïu piɛth wïïr.

⁵ Kuny de raan ee karɛc looi ku pɛ̈n ye raan cïn kë cï wööc pɛ̈n yinyde arac.

⁶ Liem de raan piɔl piɔ̈u ee ateer bɛ̈ɛ̈i ku dui.

⁷ Riäŋ de raan piɔl piɔ̈u ee bɛ̈n në yethok, kë ye lueel yen aye wïn cï yen rɔt deep.

⁸ Wël ke tuum anhiaar kɔc keek, ayek ke tääu në ke yäc cït liëŋ de kuïn mit!

⁹ Adaakrɔt acïï raan ee käŋ riɔ̈ɔ̈k wär.

¹⁰ Rin ke Bɛ̈nydït acïtkï alooc bäär, ye raan piɛthpiɔ̈u kɔt thïn ku yök kuɔɔny.

¹¹ Kajuëc ke raan kueth ayek könde, acïn kë duëër en yök.

¹² Lɛc ee riääk bɛ̈ɛ̈i, ku koor ë rɔt piny ee cath ke dhuëëŋ.

¹³ Bëër në kë kën ë raan yökic ee ayäär ku yen ee pial ë piɔ̈u.

¹⁴ Piɔ̈n ril ee jɔk guum, ku piɔ̈n cï jiɛth bï guöm lëu adï?

¹⁵ Wëët de kɔc pel nïïm acie guut, ayek kɔɔr bïk piŋ ananden.

¹⁶ Miɔ̈c gɛmë raan në dhuëëŋ ee ye lɛɛr në bɛ̈ny lɔ̈ɔ̈m.

¹⁷ Yiny de raan tueŋ ë göönyic abï tïc në raan ciëën thok.

¹⁸ Cuat ë gɛk ee ater tɔ thök, ku pɛ̈ɛ̈k këde kɔc ril.

¹⁹ Raan cä wek wuöc arilic bäk määth, acït rɛ̈t ë yic ë wun ril ë kɔc ke ater.

²⁰ Kë ye raan lueel, ee ye kueth.

²¹ Liep ee kony ku ee näk, raan nhiaar en abï ariöpde thiëëp.

²² Na cï raan tik thiaak, ka ye këpiɛth yök, ku abï miɛt ë piɔ̈u yök tëde Bɛ̈nydït.

²³ Raan kuanynyin ee jam ëmääth, ku kɔc kueth ayek jam ë lɛc.

²⁴ Raan aduëër dɛk mäth juëc, ku kalik në keyiic kek aye mäth yith.