Jop 1 - JAM DE NHIALIC 2011

Catan Athem Jop

¹ Ade raan cɔl Jop ë nu piny de Udh, ku aaye raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.

² Ku ade nɔm wɛ̈ɛ̈t cï dhiëëth kadhorou ku duet kadiäk.

³ Ee raan de nɔm kajuëc aläl, ade aguum kadhorou ke thök, ku aguum kadiäk ke thɔ̈rɔ̈ɔ̈l, ku agum töŋ de ɣɔ̈k, ku bot ka dhïc ke mul, ku kɔc juëckɛn ee luui, yen ajɔ Jop aa raan de naamdɛndït awär kɔc nu të lɔ aköl amiäk.

⁴ Wɛ̈ɛ̈tke ayek dhuëëŋ de miɛtëpiɔ̈u wɛ̈ɛ̈r, të cïï kööl ë dhuëëŋ ë ŋɛk bɛ̈n, ayek röt caal baai de ë raanë, ku jɔkï nyïïrëkɔcken tɔ cɔl kadiäk bïk lɔ cam ëtök.

⁵ Ku të cïï akööl ke dhuëëŋken thäär thök, ke Jop abï ke tuöc kanäk bï awɛ̈ɛ̈cken waak wei, ee rɔt jɔt adurduur ku gɛm miɔ̈c ye nyop ëbɛ̈n thöŋ ke kuën ë mïthke kedhie, në luɔi ye Jop e lueel ë yepiɔ̈u an, cï mïthke dhil wäc, cïk Nhialic lat ë kepiɔ̈ɔ̈th. Aye Jop cool ke looi aya.

⁶ Na ɣɔn, ë kööl tök, ke wɛ̈ɛ̈t ke Nhialic ë ke bɔ̈ në Bɛ̈nydït nɔm, bï bɛ̈n ë Bɛ̈nydït nɔm, Catan ku nu jɔŋdït rac ke keek aya.

⁷ Go Bɛ̈nydït thiëëc an, “Ë yï bɔ̈ nou?” Go Catan lueel an, “Yɛn ee lɔ ku bä ke ya ciɛɛth piny nɔm ëbɛ̈n.”

⁸ Go Bɛ̈nydït Catan thiëëc an, “De të cïn Jop tïŋ, raandiën ee Ya luööi ku piŋ A thok? Acïn raan kït kek në ee pinyë nɔm, yen ee raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.”

⁹ Go Catan pɔ̈k nɔm En an, “Duëër Jop Yï riëëu të cïn en kë bïï yök thïn?

¹⁰ Kɛ̈në Jop gɛ̈l cil kekë baaide ku këriëëcde ëbɛ̈n në tuŋ kedhie? Yïn ë luɔi de yen ciin thieei, ka kake acïk kenyïïn ŋuak, acïk wut thiɔ̈ɔ̈ŋic ëbɛ̈n.

¹¹ Ënɔɔnthiinë, riɛnyë Yïciin tueŋ da, ku jak këriëëcdɛn tɔ̈u ke yen, abï Yï lat ë Yïnyin!”

¹² Go Bɛ̈nydït lɛ̈k Catan an, “Yeka, këriëëc cath ke yen ëbɛ̈n anu në yïciin, ee Jop guöpde, yen acï bï jak.” Ku ëtɛ̈ɛ̈n, ke Catan acï jɔ bɛ̈n jäl ë Bɛ̈nydït lɔ̈ɔ̈m.

Mïth ke Jop Kekë Malde Ariäär ke Nyïïn

¹³ Ade kööl töŋ ë cïï wɛ̈ɛ̈tke ku duɛtke kenïïm mat paan ë mänhëdɛn dït ke ke cäm ku dëkkï ë mɔ̈u,

¹⁴ ku ëtɛ̈ɛ̈n go tuc bɛ̈n tëde Jop ku lueel an, “Miöör aake pur ku nyuäth mul ë kelɔ̈m,

¹⁵ go kɔc ke Thabe lööny në keyiic, nömkï keek ku näkkï kɔc lui kedhie në abätäu, ee yɛn atök, yɛn ë bän, ku bä ee thoŋë bɛ̈n lɛ̈k yïn.”

¹⁶ Të wën ŋoot en ke jam, ke raan däŋ go bɛ̈n ku lueel an, “Mac acï löny nhial ku nyop thök ku kɔc ee ke tiit kedhie, ee yɛn a tök, yɛn aa bän, ku bä ee thoŋë bɛ̈n lɛ̈k yïn.”

¹⁷ Të wën ŋoot en ke jam, ke raan däŋ go bɛ̈n ku lueel an, “Kɔc ke Babilonia acïk akuut ee yiic diäk kuany, ku löönykï ë thɔ̈rɔ̈ɔ̈liic jɔtkï ke ku näkkï kɔc ee ke tiit kedhie në abätäu, ee yɛn a tök, yɛn aa bän, ku bä ee thoŋë bɛ̈n lɛ̈k yïn.”

¹⁸ Të wën ŋoot en ke jam, ke raan däŋ go bɛ̈n ku lueel an, “Wɛ̈ɛ̈tku, ku duetku aake cäm ku dëkkï ë mɔ̈u baai de mänhëdɛn dït,

¹⁹ na wën, ke yomdït tëëm rɔt ë jɔ̈ɔ̈ric, ago ɣöt ë nu kek thïn biɔ̈ɔ̈k në biäkë ku biäkë, wit ë kɔc thiikë nïïm, ka cïk thou, ee yɛn a tök, yɛn aa bän, ku bä ee thoŋë bɛ̈n lɛ̈k yïn.”

²⁰ Ëtɛ̈ɛ̈n, Jop ë rɔt jɔt ku ret lupɔ de yen kɔ̈uwic, ku muut enɔm në jiɛth ë piɔ̈u ku gut enɔm piny ke lam Nhialic.

²¹ Go lueel an, “Yɛn aa bɔ̈ bei yiëëc në yacin ku yɛn bï jäl në yacin, ee Bɛ̈nydït Yen aa miɔ̈c ku acï bɛ puk nɔm, ë rin ke Bɛ̈nydït ë ke piɔny!”

²² Në ee kakë yiic kedhie, Jop akën wäc bïï Bɛ̈nydït gɔ̈k.