Jocua 19 - JAM DE NHIALIC 2011

Piny cï Gäm Thimion

¹ Ku gaak ye kek rou ëbɛ̈n lɔ löny kekë baai de Thimion në dhiënken. Ku pinyden aɣet thok në piny ë Juda.

² Ee yï Biirceba mat thïn ayï Ceba, ku Molada

³ ku Ɣadharcual, ku Bala, ku Edhem,

⁴ ku Eletolad, ku Bethul, ku Ɣorma,

⁵ ku Dhiklak, ku Beth Markaboth, ku Ɣadhar Thutha,

⁶ ku Beth Lebawoth, ku Caruɣen: Pɛ̈ɛ̈nydït kathiëër ku diäk në bɛ̈i tɔ̈u në kelɔ̈m.

⁷ Ku lɔ pɛ̈ɛ̈nydït kɔ̈k: Ayin, kekë Rimon, ku Ether, ku Acan: Pɛ̈ɛ̈nydït kaŋuan ku bɛ̈i tɔ̈u në ke lɔ̈m.

⁸ Ku kënë aaye pɛ̈ɛ̈nydït mat thïn kedhie alɔ gut Baalath Beer (Yen aye Rama) kekë bɛ̈i tɔ̈u ë kelɔ̈m, në baŋ të lɔ wöuwic, yen piny ë gëmë dhiën ë Thimion ka ke ye pinyden.

⁹ Në luɔi ë cïï kɔc ke Juda gäm piny dït arëët, biäk ë pinyden acï bɛ̈n gäm baai de Thimion.

Piny cï Gäm Dhebulun

¹⁰ Ku gaak ye kek diäk ë bɛ̈n löny kekë baai de Dhebulun në dhiënken. Ku pinyden aɣet agut cï Tharid.

¹¹ Ku jɔ akeu rɔt pɔ̈k të lɔ aköl athɛ̈i lee Mariil ku jiɛk Dabeceth tethiinakaŋ, ku ɣeet agut cï nyin tɔ̈u në Jokniim kɔ̈u të lɔ aköl amiäk.

¹² Ku lee rɔt puɔ̈k të lɔ aköl amiäk, në Tharid agut cï piny de Kithloth Tabor ku bɛɛric Daberath ku lee nhial në Japia.

¹³ Ku ëtɛ̈ɛ̈n ëbɛ̈n baaric të lɔ aköl amiäk, le Gath Ɣeper ku Ethkadhin, ku puk rɔt Niya të lɔ Rimon.

¹⁴ Ku lɔ akeu rɔt puɔ̈k Ɣanathon të lɔ rut ku lee guut në bäny de Yiptaɣel.

¹⁵ Ku ee Katath mat thïn ayï Naɣalal, ku Cimron, ku Yidala, ku Bethleɣem: ayek pɛ̈ɛ̈nydït kathiëër ku rou në bɛ̈i thiääk në ke.

¹⁶ Kek pɛ̈ɛ̈nydït ë nu piny ë gëmë dhiën ë Dhebulun në ɣöötke ka në bɛ̈i thiääk në keek, ke ye pinyden.

Piny cï Gäm Yithakar

¹⁷ Ku gaak ye kek ŋuan aa lɔ löny kekë dhiën de Yithakar në ɣöötken.

¹⁸ Pinyden aa nu pɛ̈ɛ̈nydïtkë thïn: Jedhreel, kekë Cethuloth, ku Cunem,

¹⁹ ku Ɣaparaim, ku Cion, ku Anaɣarath,

²⁰ ku Rabith, ku Kicion, ku Ebedh,

²¹ Ku Remeth, ku Enganim, ku Enɣada, ku Beth Padhedh.

²² Ku akeu acï Tabor jak ayadäŋ, ku Caɣadhuma, ku Beth Cemec ku lee guut ë Jordan. Ee pɛ̈ɛ̈nydït kathiëër ku dhetem në bɛ̈i thiääk në keek.

²³ Kek pɛ̈ɛ̈nydït ë nu piny ë gëmë dhiën ë Yithakar në ɣöötke ka në bɛ̈i thiääk në keek, ke ye pinyden.

Piny cï Gäm Acer

²⁴ Ku gaak ye kek dhïc aa lɔ löny kekë baai de Acer në dhiënken.

²⁵ Pinyden aaye ee wuötkë mat thïn, yï Ɣelkath kekë Ɣali, ku Beten, ku Akecap,

²⁶ ku Alam Melek, ku Amad, ku Mical ku jiɛk Karmel kekë Ciɣor Libnath në yethok baŋ të lɔ aköl athɛ̈i.

²⁷ Ku puk akeu rɔt të lɔ aköl amiäk, le Bethdagon, ku jiɛk Dhebulun kekë wak de Yiptaɣel në baŋ të lɔ rut në Bethemeth kekë Neyel. Ku bɛɛric Kabul të lɔ rut,

²⁸ ku Ebron, ku Reɣop, ku Ɣamon, ku Kana agut cï Thidon.

²⁹ Ku jɔ akeu rɔt puɔ̈k Rama abï ɣet Tayer wun dïït cï gël aril, ku puk rɔt Ɣotha ale guut në Wɛ̈ɛ̈rdïït ɣer. Acï Maɣala mat thïn ayï Akedhip,

³⁰ ayï Yuma, ayï Apek ayï Reɣop: Ku pɛ̈ɛ̈nydït kedhie ayek thiëër ku rou, ku lɔ bɛ̈i tɔ̈u në kelɔ̈m.

³¹ Kek pɛ̈ɛ̈nydït e tɔ̈u piny e gëmë dhiën de Acer ka në ɣöötken ayï bɛ̈i thiääk në keek, ke ye pinyden.

Piny cï Gäm Naptali

³² Ku gaak ye kek dhetem aa löny kekë baai de Naptali në dhiënken.

³³ Akende agɔl rɔt në Ɣelep ku lee ɣok në Dhaananim ku bɛɛric Adaminekep ku Jamina, agut cï Lakum, ku lee guut Jordan.

³⁴ Ku le akeu rɔt puɔ̈k të lɔ aköl athɛ̈i ëtɛ̈ɛ̈n lee Adhenoth Tabor, ku bɛɛric, ku lee Dhebulun jak në baŋ të lɔ wöuwic, ku jiɛk Acer në baŋ të lɔ aköl athɛ̈i, ku jiɛk Juda në baŋ të lɔ aköl amiäk, në Jordan kɔ̈u.

³⁵ Ku pɛ̈ɛ̈nydït e cï gël aril aaye Dhildim kekë Dher, ku Ɣamath, ku Rakath, ku Cinereth,

³⁶ ku Adama, ku Rama, ku Ɣadhor,

³⁷ ku Kedec, Ederi, ku Enɣadhor,

³⁸ ku Yiron, ku Migdalel, ku Beth Cemec, aake ye pɛ̈ɛ̈nydït kathiëër dhoŋuan në bɛ̈i tɔ̈u e ke lɔ̈m.

³⁹ Kek pɛ̈ɛ̈nydït nu piny ë gëmë dhiën de Naptali në ɣöötken ka, ayï bɛ̈i thiääk në keek, ke ye pinyden.

Piny cï Gäm Dan

⁴⁰ Gaak ye kek dhorou aa löny kekë baai e Dan në dhiënken.

⁴¹ Ku wuöt ke nu pinyden: Yï Dhora kekë Ectawol, ku Yircemec,

⁴² ku Caalbim, ku Aijalon, ku Yithla,

⁴³ ku Eelon, ku Timena, ku Ekeron,

⁴⁴ ku Eleteke, ku Gibethon, ku Baalath,

⁴⁵ ku Jeɣud, ku Beneberak, ku Gathrimon,

⁴⁶ ku Mejarkon, ku Rakon, ku piny nu në Jopa lɔ̈ɔ̈m ëbɛ̈n.

⁴⁷ Na ɣɔn aken kɔc ke Dan pinyden lëu në pɛ̈c, ke ke lɔ Lecem mɔɔk piny. Ku rumkï, ku näkkï kɔcke, ku tɔkï ee wunden. Ku piɔ̈ɔ̈tkï thïn ëtɛ̈ɛ̈n ku waarkï rin ke Lecem ku ciëkï rin an Dan në rin ke kuɛɛrëden.

⁴⁸ Kek pɛ̈ɛ̈nydït e tɔ̈u piny e gëmë dhiën de Dan ka në ɣöötken ayï bɛ̈i thiääk në keek, ke ye pinyden.

Piny ë Jɔ Lɔ̈ɔ̈k Gam Ciëën

⁴⁹ Na ɣɔn aa cï kɔc ke Yithriɛl jɔ thök në tɛɛk de piny, ke ke gëm Jocua wën ë Nun piny biäk ke ye piny de nɔmde.

⁵⁰ Cït man wään cïï Bɛ̈nydït ke yɔ̈ɔ̈k, acïk Jocua bɛ̈n gäm wun cï lɔc: Yen aye Timnath Thera në piny ë kuur de Eparaim yic. Ago Jocua wut bɛ nyɔk në yïk ku piɔ̈ɔ̈t thïn.

⁵¹ Ku piinykë aake tek e Jocua wën e Nun keek kekë Eleyadhar bɛ̈ny de kake Nhialic ku bänydït ke ɣööt ke dhiëën ke Yithriɛl, ku tekkï në gɛk lop kek Bɛ̈nydït në Cilo, në paany de Mät thok. Yen luɔi e tek kek piny ka.