Jeremia 45 - JAM DE NHIALIC 2011

Thön cïï Nhialic Lɛ̈k Baruk

¹ Në ruöön ye Jeɣoyakim wën de Jothia melik de Juda, go Baruk kë cï tiët Jeremia lɛ̈k yen gäär piny. Ago Jeremia lɛ̈k en

² an, “Acïï Bɛ̈nydït Nhialic de Yithriɛl lueel an, ‘Baruk,

³ Aye lueel an, ‘Amawoou, yɛn cï bäp! Bɛ̈nydït acï jiɛthëpiɔ̈n dït ŋuak në nuɛɛnkï yiic. Yɛn cï bäp wo dhiëndepiɔ̈u, acïn lɔ̈ŋ cä yök!’

⁴ “Ku Yɛn Bɛ̈nydït, Yɛn dhoŋ këdiën cä yïk piny, ku Yɛn wuth këdiën cä com bei. Kënë abä luöi piny nɔm ëbɛ̈n.

⁵ Ee luɔi mɛɛn yen kɔɔr bïï luöi yïn pei? Du ee kënë loi. Yɛn bï riääk bɛ̈ɛ̈i në kɔc ke piny nɔm gup ëbɛ̈n, ku yïn bï aa ban we wëiku, të bïï yïn aa lɔ thïn ëbɛ̈n. Acä lueel, Yɛn Bɛ̈nydït.”