Edhr 2 - JAM DE NHIALIC 2011

Rin ke Kɔc ë bɔ̈ Ciëën ë Pɛ̈cic

¹ Kɔc wään cï röt puk në pɛ̈cic në kɔciic, kɔc ɣɔn cï Nebukadnedhar, melik de Babilonia keek lɛɛr Babilon. Keek acïk röt puɔ̈k Jeruthalem ku Juda, ŋɛk ee lɔ wunden,

² ku cath bänyken ë keek yï Dherubabel, Jecua, Neɣemia, Theraya, Reelaya, Modekayo, Bilcan, Mithapar, Bikbai, Reɣum, ku Baana. Rin ke kɔc ke Yithriɛl kï:

^3-20 Paroc — 2,172, Cepatia — 372, Ara ayek 775, Paɣath Mowap, ee kek ee dhiën ë Jecua kekë Jowap — 2,812, Eelam — 1,254 Dhatu — 945, Dhakai — 760, Bani — 642, Bebai — 623, Adhagat — 1,222 Adonikam — 666 Bikbai — 2,056, Adin — 454, Ater, ee kek ee dhiën de Ɣedhekia — 98, Bedhai — 323, Jora — 112 Ɣacum — 223, Gibar — 95,

^21-35 Kɔc ë ciëŋ ë kuarken në ee wuötkë yiic acïk bɛ̈n ayadäŋ: Betheleɣem — 123, Netopa — 56, Anathoth — 128, Adhimabeth — 42, Kiriath Jiriim ku Kepira ku Beeroth — 743, Rama ku Geba — 621, Mikmac — 122, Bethel kekë Ayi — 223, Nebo — 52, Magebic — 156, Eelam däŋë — 1,254, Ɣarim — 320, Lod, kekë Ɣadid ku Ono — 725, Jeriko — 345, Thenaa — 3,630,

^36-39 Dhiën ke bäny ke kakë Nhialic wään cï bɛ̈n ciëën ë pɛ̈cic: Jedaya, ee kek ee dhiën de Jecua — 973, Yimer — 1,052, Pacur — 1,247, Ɣarim — 1,017

^40-42 Dhiën ke kɔc ke Lebai ee lui Luaŋdït wään cï bɛ̈n ciëën ë pɛ̈cic: Jecua ku Kadmiel ee kek ee dhiën de Ɣodabia — 74, Kɔc ee Nhialic pal në diɛt, dhiën de Athap — 128, Kɔc ee kal ë Luaŋdït tiit thok, dhiën ë Calum, ku Ater, ku Talmon ku Akub, ku Ɣatita, ku jɔ aa dhiën ë Cobai — 139,

^43-54 Dhiën kɔ̈k ke kɔc ee luui Luaŋdït ë bɛ̈n ciëën ë pɛ̈cic: Dhia, ku Ɣathupa, ku Tabawoth, Keroth, ku Thiaɣa, ku Padon, Lebana, ku Ɣagaba, ku Akub, Ɣagap, ku Camlai, ku Ɣanan, Gidel, ku Gaɣaar, ku Riiya, Redhin, ku Nekoda, ku Gadham, Yudha, ku Pathia, ku Bethai, Athana, ku Munim, ku Nepothim, Bakbuk, ku Ɣakupa, ku Ɣarɣur, Batheluth, ku Meɣida, ku Ɣarca, Barkoth, ku Thithera, ku Tema, Nedhia, ku Ɣatipa,

^55-57 Dhiën ke kɔc ee Tholomon luööi wään bɔ̈ ciëën ë pɛ̈cic: Thotai, ku Ɣathopereth, ku Peruda, Jaala, ku Darkon, ku Gidel, Cepatia, ku Ɣatil, ku Pocereth Ɣathebayim, ku Ami.

⁵⁸ Kuën ë kɔc ee lui ë Luaŋdïtic kekë kɔc ee lui në Tholomon 392.

^59-60 Ku ka bɔ̈yë ee rin ke kɔc ɣɔn bɔ̈ në Tel Mela, ku Tel Ɣarca, ku Kerup, ku Adan ku Yimer. Dhiën ë Delaya, ku dhiën ë Tobia, ku dhiën ë Nekoda, ayek bot kadhetem ku thiërdhïc ku rou 652, ku akënkï lëu në nyuöth nyooth kek tën ë jël ë kuɛɛrëden thar thïn, nɔn ye kek käu de kɔc ke Yithriɛl.

^61-62 Ayadäŋ në dhiëën ke bäny ke kake Nhialic yiic, atɔ̈u ë dhiën ë Ɣabaya, ku dhiën ë Ɣakoth, ku dhiën ë Bardhilai (Bardhilai raan wun ë Giliyad cïï nyande thiaak ku ye mïth ke nyande cɔ̈l en.) Kek ee dhiënkë acïk rinken kɔɔr të cïï kɔc gɔ̈ɔ̈r rin thïn, ku akënkï ke yök, go ke bɛ̈ɛ̈i rin bei në bäny ke kake Nhialic yiic.

⁶³ Go bɛ̈ny keek yɔ̈ɔ̈k cïkï bï ya cam në këcam ɣeric, agut kööl bï bɛ̈ny de kake Nhialic kɔn cɔ̈ɔ̈r në kur ke Yurim ku Thumim.

^64-67 Ku amatnɔm de kɔc cï peec ɣɔn bɔ̈ ciëën ë pɛ̈cic — 42,360 Ku lɔ röör ku diäär ee luui — 7,337 ku röör ku diäär ee ket — 200. Ku jöŋgöör — 736 ku mul — 245 ku thɔ̈rɔ̈ɔ̈l — 435 ku mul kɔ̈k — 6,720

⁶⁸ Na wën aa cïk ɣet ɣön ë Bɛ̈nydït ee Yen ye lɔ̈ŋ në Jeruthalem, ke röördït kɔ̈k në dhiëën nïïm ke ke gɛm miɔ̈c, miɔ̈c ye gam në dhuëëŋ bï kek ɣön ë Nhialic bɛ nyɔk ë yïk tëde.

⁶⁹ Ku acïk ka lëukï bɛ̈n gäm raan ee wëu ke luɔɔi muk, aguum kathiërdhetem ku tök 61,000 në wëu ke adhääp, ku aguum kadhïc 5,000 në wëu ke atek cɔl ke mina, ku bɔt 100 de lupɔɔ ke bäny ke kake Nhialic.

⁷⁰ Ku bäny ke kake Nhialic, ku kɔc ke Lebai, ku kɔc ee Nhialic pal në diɛt, ku kɔc ee kal ë Luaŋdït tiit thok, ku kɔc ee luui Luaŋdït kekë kɔc kɔ̈k arëërkï në wuötkeniic. Ku rɛ̈ɛ̈r kɔc ke Yithriɛl kedhie në wuötken yiic.