Edhekiɛl 15 - JAM DE NHIALIC 2011

Kääŋ de Enap

¹ Go jam de Bɛ̈nydït bɛ̈n tëde yɛn an:

² “Mɛnh ë raan, duëër enap thöŋ ë tiim adï? Eeŋö ee piath de kër ke enap të thööŋë ye kër ke tiim roor?

³ De kë duɛ̈ɛ̈rë looi në yen? Duɛ̈ɛ̈rë löc looi në yen bïï yïn këdäŋ nöök?

⁴ Apiɛth tei ke kuöth de mac. Ku na cï thar dëp ku döŋ kɔ̈u cil, de kë duëërë bɛ looi në yen?

⁵ Aa cïn naamde, ayï të wën kën en kɔn dëp. Ënɔɔnë acïï ë mac nyop, ku dhoŋ kɔ̈u, abï jɔ ciën naamde aläl.”

⁶ Ënɔɔnë kë ye Bɛ̈nydït Awärjäŋ lueel kï an, “Cït man ye enap nyuaar roor ku nyop, yen ee täu bän kɔc ke Jeruthalem jɔt,

⁷ abä keek luöi këtuc. Acïk poth në many tök thok, ku ënɔɔnë abï mac ke nyuɔp piny. Të lan ke lɔ luöi këtuc abäk ŋic nɔn ee yɛn Bɛ̈nydït.

⁸ Acïkï ye adööt tëde Yɛn, ka yɛn bï piny tɔ ye jɔ̈ɔ̈r.” Bɛ̈nydït Awärjäŋ yen aa jam.